ਸੋਨੇ ਦਾ ਤਗ਼ਮਾ ਜੇਤੂ ਖ਼ਾਲਸਾ ਦਾ ਸਨਮਾਨ

ਟਾਂਡਾ:

ਇਥੋਂ ਦੇ ਕੈਂਬਰਿਜ ਅਰਥ ਸਕੂਲ ਵਿੱਚ ਹੋਏ ਸਨਮਾਨ ਸਮਾਗਮ ਦੌਰਾਨ ਸੂਬਾਈ ਵੇਟਲਿਫਟਿੰਗ ਮੁਕਾਬਲਿਆਂ ਵਿਚ ਸੋਨੇ ਦਾ ਤਗਮਾ ਜਿੱਤਣ ਵਾਲੇ ਸਕੂਲ ਦੇ ਖੇਡ ਇੰਚਾਰਜ ਡੀਪੀ ਸੰਦੀਪ ਸਿੰਘ ਖਾਲਸਾ ਝੱਜੀਪਿੰਡ ਦਾ ਪ੍ਰਬੰਧਕਾਂ ਵੱਲੋਂ ਸਨਮਾਨ ਕੀਤਾ ਗਿਆ । ਬੀਤੇ ਦਿਨੀਂ ਸੁਨਾਮ ਵਿੱਚ ਹੋਈਆਂ ‘ਖੇਡਾਂ ਵਤਨ ਪੰਜਾਬ’ ਦੀਆਂ ਦੇ ਸੂਬਾਈ ਵੇਟਲਿਫਟਿੰਗ ਮੁਕਾਬਲਿਆਂ ਵਿਚ 31 ਤੋਂ 40 ਸਾਲ ਉਮਰ ਵਰਗ ਵਿਚ ਸੋਨੇ ਦਾ ਤਗ਼ਮਾ ਜਿੱਤਣ ਵਾਲੇ ਖ਼ਾਲਸਾ ਨੂੰ ਸਨਮਾਨਿਤ ਕਰਦਿਆਂ ਸਕੂਲ ਦੇ ਸਿੱਖਿਆ ਸਲਾਹਕਾਰ ਬਲਰਾਜ ਮਹਿੰਦਰੂ ਅਤੇ ਪ੍ਰਿੰਸੀਪਲ ਸ਼ਿਵਾਲੀ ਅਰੋੜਾ ਨੇ ਕਿਹਾ ਕਿ ਉਨ੍ਹਾਂ ਦੀ ਪ੍ਰਾਪਤੀ ਵਿਦਿਆਰਥੀਆਂ ਲਈ ਪ੍ਰੇਰਨਾ ਸਰੋਤ ਹੈ। -ਪੱਤਰ ਪ੍ਰੇਰਕ