ਪੰਜਾਬੀ ਵਿਸ਼ੇ ’ਚ ਅੱਵਲ ਰਹੇ ਬੱਚਿਆਂ ਦਾ ਸਨਮਾਨ

ਏਲਨਾਬਾਦ:

ਭਾਈ ਕਨ੍ਹੱਈਆ ਮਾਨਵ ਸੇਵਾ ਟਰੱਸਟ ਸ਼ਾਖਾ ਏਲਨਾਬਾਦ ਵੱਲੋਂ ਅੱਜ ਭਗਤ ਪਬਲਿਕ ਸਕੂਲ ਸੰਤਨਗਰ ਵਿੱਚ ਸੀਬੀਐੱਸਈ ਬੋਰਡ ਦੇ 10ਵੀਂ ਜਮਾਤ ਦੇ ਨਤੀਜਿਆਂ ਵਿੱਚ ਪੰਜਾਬੀ ਵਿਸ਼ੇ ’ਚ 100 ਵਿੱਚੋਂ 100 ਅੰਕ ਹਾਸਲ ਕਰਨ ਵਾਲੇ ਪੰਜ ਵਿਦਿਆਰਥੀਆਂ ਦਾ ਵਿਸ਼ੇਸ ਸਨਮਾਨ ਕੀਤਾ ਗਿਆ। ਭਾਈ ਕਨ੍ਹੱਈਆ ਸੇਵਾ ਟਰੱਸਟ ਸ਼ਾਖਾ ਏਲਨਾਬਾਦ ਦੇ ਮੁੱਖ ਸੇਵਾਦਾਰ ਮਾਸਟਰ ਨਸੀਬ ਸਿੰਘ ਅੱਜ ਸਵੇਰੇ ਭਗਤ ਪਬਲਿਕ ਸਕੂਲ ਸੰਤ ਨਗਰ ਪਹੁੰਚੇ, ਜਿਨ੍ਹਾਂ ਅਰਪਨ ਕੌਰ, ਮਨੀਤ ਕੌਰ, ਸੁਖਮਨ ਸਿੰਘ, ਸੁਖਪਾਲ ਸਿੰਘ ਅਤੇ ਜਸ਼ਨਪ੍ਰੀਤ ਸਿੰਘ ਨੂੰ ਯਾਦਗਾਰੀ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ। ਇਸ ਮੌਕੇ ਸਕੂਲ ਦੇ ਪ੍ਰਿੰਸੀਪਲ ਨਵਪ੍ਰੀਤ ਸਿੰਘ ਭੰਗੂ, ਕਰਮਜੀਤ ਕੌਰ ਅਤੇ ਸਮੂਹ ਸਟਾਫ਼ ਹਾਜ਼ਰ ਸੀ। -ਪੱਤਰ ਪ੍ਰੇਰਕ