ਆਲ ਇੰਡੀਆ ਓਪਨ ਪੈਰਾ ਕਬੱਡੀ ਜੇਤੂਆਂ ਦਾ ਸਨਮਾਨ

ਨੂਰਪੁਰਬੇਦੀ:

ਆਲ ਇੰਡੀਆ ਓਪਨ ਨੌਰਥ ਜ਼ੋਨ ਖੇਡਾਂ ਦੌਰਾਨ ਪੰਜਾਬ ਨੇ ਪੈਰਾ ਕਬੱਡੀ ਵਿੱਚ ਤੀਜਾ ਸਥਾਨ ਪ੍ਰਾਪਤ ਕੀਤਾ। ਇਸ ਮੁਕਾਬਲੇ ਵਿੱਚ ਨੂਰਪੁਰਬੇਦੀ ਇਲਾਕੇ ਦੇ ਖਿਡਾਰੀਆਂ ਸੁਰਿੰਦਰ ਸਿੰਘ ਬਿੱਟੂ ਪਿੰਡ ਮੂਸਾਪੁਰ, ਬਲਵਿੰਦਰ ਸਿੰਘ ਪਿੰਡ ਗਰੇਵਾਲ, ਖੁਸ਼ਿਵੰਦਰ ਸਿੰਘ ਪਿੰਡ ਗਰੇਵਾਲ ਅਤੇ ਹਰਮਿੰਦਰ ਸਿੰਘ ਪਿੰਡ ਨੋਧੇਮਾਜਰਾ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਇਨ੍ਹਾਂ ਖਿਡਾਰੀਆਂ ਦਾ ਸਰਕਾਰੀ ਸੀਨੀਅਰ ਸੈਕੰਡਰੀ ਸਮਾਰਟ ਸਕੂਲ ਧਮਾਣਾ ਵਿੱਚ ਪ੍ਰਿੰਸੀਪਲ ਜਗਤਾਰ ਸਿੰਘ ਅਤੇ ਸਮੂਹ ਸਟਾਫ਼ ਵੱਲੋਂ ਸਨਮਾਨ ਕੀਤਾ ਗਿਆ। -ਨਿੱਜੀ ਪੱਤਰ ਪ੍ਰੇਰਕ