ਨੰਡਿਆਲੀ ਤੇ ਬਾਲ ਲੇਖਕਾਂ ਦਾ ਸਨਮਾਨ

ਪੱਤਰ ਪ੍ਰੇਰਕ
ਬਨੂੜ, 29 ਅਕਤੂਬਰ
ਪੁਆਧ ਪੰਜਾਬੀ ਸਾਹਿਤਕ ਬੈਠਕ ਬਨੂੜ ਦੀ ਮਹੀਨਾਵਾਰ ਇਕੱਤਰਤਾ ਸਰਕਾਰੀ ਸੀਨੀਅਰ ਸੈਕੰਡਰੀ ਸਮਾਰਟ ਸਕੂਲ ਬੂਟਾ ਸਿੰਘ ਵਾਲਾ ਵਿੱਚ ਹੋਈ। ਲੈਕਚਰਾਰ ਵਰਿੰਦਰ ਕੁਮਾਰ ਸਾਰਿਆਂ ਦਾ ਸਵਾਗਤ ਕੀਤਾ। ਬੈਠਕ ਮੁੱਖ ਮਹਿਮਾਨ ਗਿਆਨੀ ਰਾਮ ਸਿੰਘ ਨੰਡਿਆਲੀ ਦਾ ਵਿਸ਼ੇਸ਼ ਸਨਮਾਨ ਵੀ ਕੀਤਾ ਗਿਆ। ਮਾਸਟਰ ਹਰਪ੍ਰੀਤ ਸਿੰਘ ਧਰਮਗੜ੍ਹ ਨੇ ਮੰਚ ਸੰਚਾਲਨ ਕੀਤਾ। ਇਸ ਮੌਕੇ ਬੂਟਾ ਸਿੰਘ ਵਾਲਾ ਸਕੂਲ ਦੇ ਬਾਲ ਸਾਹਿਤਕਾਰਾਂ ਖੁਸ਼ਪ੍ਰੀਤ ਕੌਰ ਰਾਮਪੁਰ, ਜਸਮੀਨ ਕੌਰ ਜੰਗਪੁਰਾ, ਅਮਨਪ੍ਰੀਤ ਕੌਰ, ਨੂੰ ਪ੍ਰਸ਼ੰਸ਼ਾ ਪੱਤਰ ਦੇ ਕੇ ਸਨਮਾਨਿਤ ਕੀਤਾ ਗਿਆ।