ਹੋਮਿਓਪੈਥੀ ਕਿਤਾਬ ‘ਰੀਪਰਟਰੀ ਆਫ਼ ਹੋਮਿਓਪੈਥੀ’ ਰਿਲੀਜ਼

ਪਟਿਆਲਾ:

ਇਥੇ ਡਾ. ਨੀਲਮ ਅਵਤਾਰ ਸਿੰਘ ਪਟਿਆਲਾ ਵੱਲੋਂ ਲਿਖੀ ਹੋਮਿਓਪੈਥੀ ਬੁੱਕ ‘ਰੀਪਰਟਰੀ ਆਫ਼ ਹੋਮਿਓਪੈਥੀ’ ਦਾ ਲੋਕ ਅਰਪਣ ਦਿਲ ਦੇ ਰੋਗਾਂ ਦੇ ਮਾਹਿਰ ਡਾ. ਮਨਮੋਹਨ ਸਿੰਘ ਅਤੇ ਹੋਮਿਓਪੈਥੀ ਮਾਹਿਰ ਡਾ. ਅਮਰਜੀਤ ਸਿੰਘ ਮਾਨ ਵੱਲੋਂ ਜਿੰਮਖਾਨਾ ਕਲੱਬ ਪਟਿਆਲਾ ਵਿੱਚ ਕੀਤਾ ਗਿਆ। ਡਾ. ਮਨਮੋਹਨ ਸਿੰਘ ਨੇ ਡਾ. ਨੀਲਮ ਨੂੰ ਵਧਾਈਆਂ ਦਿੰਦਿਆਂ ਕਿਹਾ ਕਿ ਇਹ ਹੋਮਿਓਪੈਥੀ ਡਾਕਟਰਾਂ ਲਈ ਬਹੁਤ ਲਾਹੇਵੰਦ ਸਾਬਤ ਹੋਵੇਗੀ। ਡਾ. ਮਨਮੋਹਨ ਸਿੰਘ ਨੇ ਸਾਰੇ ਡਾਕਟਰਾਂ ਨੂੰ ਯਕੀਨ ਦਿਵਾਇਆ ਕਿ ਉਹ ਸਿਹਤ ਮੰਤਰੀ ਡਾ. ਬਲਬੀਰ ਸਿੰਘ ਨੂੰ ਹੋਮਿਓਪੈਥੀ ਪ੍ਰਣਾਲੀ ਦੀਆਂ ਮੰਗਾਂ ਖ਼ਾਸ ਕਰਕੇ ਸਰਕਾਰੀ ਹੋਮਿਓਪੈਥਿਕ ਮੈਡੀਕਲ ਕਾਲਜ ਖੋਲ੍ਹਣ ਤੇ ਖ਼ਾਲੀ ਪੋਸਟਾਂ ਭਰਨ ਲਈ ਅਪੀਲ ਕਰਨਗੇ। -ਪੱਤਰ ਪ੍ਰੇਰਕ