ਹਿਮਾਚਲ: ਕਾਂਗਰਸ ਨੇਤਾ ਵਿਕਰਮਾਦਿੱਤਿਆ ਤੇ ਆਨੰਦ ਸ਼ਰਮਾ ਨੇ ਭਰੀ ਨਾਮਜ਼ਦਗੀ
07:20 AM May 10, 2024 IST
ਸ਼ਿਮਲਾ, 9 ਮਈ
ਕਾਂਗਰਸ ਦੇ ਨੇਤਾਵਾਂ ਵਿਕਰਮਾਦਿੱਤਿਆ ਸਿੰਘ ਅਤੇ ਆਨੰਦ ਸ਼ਰਮਾ ਨੇ ਅੱਜ ਕਰਮਵਾਰ ਮੰਡੀ ਅਤੇ ਕਾਂਗੜਾ ਲੋਕ ਸਭਾ ਸੀਟ ਤੋਂ ਆਪਣਾ ਨਾਮਜ਼ਦਗੀ ਪੱਤਰ ਦਾਖ਼ਲ ਕੀਤਾ। ਵਿਕਰਮਾਦਿੱਤਿਆ ਸਿੰਘ ਨੇ ਭਾਜਪਾ ਉਮੀਦਵਾਰ ਕੰਗਨਾ ਰਣੌਤ ’ਤੇ ਵੀ ਨਿਸ਼ਾਨਾ ਸੇਧਿਆ। ਉਨ੍ਹਾਂ ਕਿਹਾ, ‘‘ਅਸੀਂ ਵਿਕਾਸ ਦੀ ਸਿਆਸਤ ਕਰ ਰਹੇ ਹਾਂ, ਉਹ (ਕੰਗਨਾ) ਮਨੋਰੰਜਨ ਦੀ ਰਾਜਨੀਤੀ ਕਰ ਰਹੀ ਹੈ।’’ ਉਨ੍ਹਾਂ ਕਿਹਾ ਕਿ ਵਿਰੋਧੀ ਧਿਰ ਦੇ ਨੇਤਾ ਜੈਰਾਮ ਠਾਕੁਰ ਵੱਲੋਂ ਨਿਰਦੇਸ਼ਤ ਇਹ ਫਿਲਮ ਇੱਕ ਜੂਨ ਨੂੰ ‘ਬਾਕਸ ਆਫਿਸ’ ਉੱਤੇ ਫਲਾਪ ਹੋ ਜਾਵੇਗੀ। ਵਿਕਰਮਾਦਿੱਤਿਆ ਨਾਲ ਉਨ੍ਹਾਂ ਦੀ ਮਾਂ ਅਤੇ ਪ੍ਰਦੇਸ਼ ਕਾਂਗਰਸ ਪ੍ਰਧਾਨ ਪ੍ਰਤਿਭਾ ਸਿੰਘ, ਮੁੱਖ ਮੰਤਰੀ ਸੁਖਵਿੰਦਰ ਸਿੰਘ ਸੁੱਖੂ ਅਤੇ ਕਾਂਗਰਸ ਕਾਰਜਕਾਰੀ ਕਮੇਟੀ ਦੇ ਮੈਂਬਰ ਅਤੇ ਹਿਮਾਚਲ ਦੇ ਇੰਚਾਰਜ ਰਾਜੀਵ ਸ਼ੁਕਲਾ ਵੀ ਹਾਜ਼ਰ ਸਨ। -ਪੀਟੀਆਈ
Advertisement
Advertisement
Related News
Advertisement