ਪਾਕਿਸਤਾਨ ਉੱਚ ਸਿੱਖਿਆ ਕਮਿਸ਼ਨ ਨੇ ਹੋਲੀ ’ਤੇ ਪਾਬੰਦੀ ਵਾਲਾ ਪੱਤਰ ਵਾਪਸ ਲਿਆ

ਇਸਲਾਮਾਬਾਦ, 23 ਜੂਨ

ਪਾਕਿਸਤਾਨ ਦੇ ਉੱਚ ਸਿੱਖਿਆ ਕਮਿਸ਼ਨ (ਐੱਚਈਸੀ) ਨੇ ਸੋਸ਼ਲ ਮੀਡੀਆ ‘ਤੇ ਭਾਰੀ ਵਿਰੋਧ ਅਤੇ ਸਰਕਾਰੀ ਦਖਲ ਤੋਂ ਬਾਅਦ ਇੱਥੋਂ ਦੀ ਯੂਨੀਵਰਸਿਟੀ ਵਿਚ ਹੋਲੀ ਮਨਾਉਣ ‘ਤੇ ਇਤਰਾਜ਼ ਕਰਨ ਵਾਲਾ ਆਪਣਾ ਪੱਤਰ ਵਾਪਸ ਲੈ ਲਿਆ ਹੈ। ਜ਼ਿਕਰਯੋਗ ਹੈ ਕਿ ਹਾਇਰ ਐਜੂਕੇਸ਼ਨ ਕਮਿਸ਼ਨ (ਐੱਚਈਸੀ) ਦੀ ਕਾਰਜਕਾਰੀ ਨਿਰਦੇਸ਼ਕ ਸ਼ਾਇਸਤਾ ਸੋਹੇਲ ਨੇ ਇਸਲਾਮਾਬਾਦ ਦੀ ਕਾਇਦ-ਏ-ਆਜ਼ਮ ਯੂਨੀਵਰਸਿਟੀ ਦੇ ਵਿਦਿਆਰਥੀਆਂ ਵੱਲੋਂ ਹੋਲੀ ਮਨਾਉਣ ‘ਤੇ ਇਤਰਾਜ਼ ਜਤਾਉਂਦੇ ਹੋਏ ਪੱਤਰ ਜਾਰੀ ਕੀਤਾ ਸੀ।