ਹਾਈ ਕੋਰਟ ਨੇ ਪੰਜਾਬ ’ਵਰਸਿਟੀ ਦੀ ਅੰਤਮ ਪ੍ਰੀਖਿਆ ’ਤੇ ਰੋਕ ਵਧਾਈ

ਸੌਰਭ ਮਲਿਕ
ਚੰਡੀਗੜ੍ਹ,20 ਅਗਸਤ

ਪੰਜਾਬ ਤੇ ਹਰਿਆਣਾ ਹਾਈ ਕੋਰਟ ਨੇ ਅੱਜ ਇਹ ਸਪੱਸ਼ਟ ਕਰ ਦਿੱਤਾ ਹੈ ਕਿ ਪੰਜਾਬ ਯੂਨੀਵਰਸਿਟੀ ਦੀ ‘ਅੰਤਮ ਪ੍ਰੀਖਿਆ’ ਊੱਤੇ ਲੱਗੀ ਰੋਕ ਇਸ ਮੁੱਦੇ ’ਤੇ ਸੁਪਰੀਮ ਕੋਰਟ ਦਾ ਫ਼ੈਸਲਾ ਆਊਣ ਤੱਕ ਜਾਰੀ ਰਹੇਗੀ।

ਵੀਡੀਓ ਕਾਨਫ਼ਰੰਸਿੰਗ ਰਾਹੀਂ ਮੁੜ ਸੁਣਵਾਈ ਲਈ ਆਏ ਇਸ ਮਾਮਲੇ ਵਿੱਚ ਜਸਟਿਸ ਮਹਾਬੀਰ ਸਿੰਘ ਸਿੰਧੂ ਦੇ ਬੈਂਚ ਨੂੰ ਦੱਸਿਆ ਗਿਆ ਕਿ ਇਸੇ ਤਰ੍ਹਾਂ ਦੇ ਇਕ ਵਿਵਾਦ ’ਤੇ ਸੁਪਰੀਮ ਕੋਰਟ ਵਿੱਚ ਵੀ ਬਹਿਸ ਹੋ ਚੁੱਕੀ ਹੈ ਜਿਸ ਸਬੰਧੀ ਫੈਸਲਾ ਰਾਖਵਾਂ ਰੱਖਿਆ ਗਿਆ ਹੈ। ਜਸਟਿਸ ਸਿੰਧੂ ਨੇ ਮਾਮਲੇ ਨੂੰ ਅਣਮਿੱਥੇ ਸਮੇਂ ਲਈ ਮੁਲਤਵੀ ਕਰਦਿਆਂ ਕਿਹਾ, ‘‘ਸੁਪਰੀਮ ਕੋਰਟ ਦਾ ਫੈਸਲਾ ਆਊਣ ਤੱਕ ਇਸ ਮਾਮਲੇ ਨੂੰ ਰੋਕ ਲਿਆ ਜਾਵੇ। ਸਬੰਧਤ ਕੇਸਾਂ ਵਿੱਚ ਅੰਤ੍ਰਿਮ ਹੁਕਮ ਜਾਰੀ ਰਹਿਣਗੇ।’’