ਰਾਜ ਸਭਾ ’ਚੋਂ ਮੁਅੱਤਲੀ ਖਿਲਾਫ਼ ਰਾਘਵ ਚੱਢਾ ਦੀ ਪਟੀਸ਼ਨ ’ਤੇ ਸੁਪਰੀਮ ਕੋਰਟ ਵਿੱਚ ਸੁਣਵਾਈ ਸੋਮਵਾਰ ਨੂੰ
04:22 PM Oct 15, 2023 IST
Advertisement
ਨਵੀਂ ਦਿੱਲੀ, 15 ਅਕਤੂਬਰ
‘ਆਪ’ ਆਗੂ ਰਾਘਵ ਚੱਢਾ ਵੱਲੋੋਂ ਰਾਜ ਸਭਾ ’ਚੋਂ ਆਪਣੀ ਅਣਮਿੱਥੀ ਮੁਅੱਤਲੀ ਨੂੰ ਚੁਣੌਤੀ ਦਿੰਦੀ ਪਟੀਸ਼ਨ ’ਤੇ ਸੁਪਰੀਮ ਕੋਰਟ ਸੋਮਵਾਰ ਨੂੰ ਸੁਣਵਾਈ ਕਰੇਗਾ। ਚੀਫ ਜਸਟਿਸ ਡੀ.ਵਾਈ.ਚੰਦਰਚੂੜ ਤੇ ਜਸਟਿਸ ਜੇ.ਬੀ.ਪਾਰਦੀਵਾਲਾ ਦੇ ਬੈਂਚ ਵੱਲੋਂ ਭਲਕੇੇ ਚੱਢਾ ਦੀ ਪਟੀਸ਼ਨ ਸੁਣੀ ਜਾਵੇਗੀ। ਚੱਢਾ ਨੂੰ ਮੌਨਸੂਨ ਇਜਲਾਸ ਦੇ ਆਖਰੀ ਦਿਨ 11 ਅਗਸਤ ਨੂੰ ‘ਨੇਮਾਂ ਦੀ ਉਲੰਘਣਾ, ਦੁਰਵਿਹਾਰ, ਅਪਮਾਨਜਨਕ ਰਵੱਈਏ ਤੇ ਵਿਹਾਰ’ ਲਈ ਮੁਅੱਤਲ ਕੀਤਾ ਗਿਆ ਸੀ। ਚੱਢਾ ਦੀ ਮੁਅੱਤਲੀ ਨੂੰ ਲੈ ਕੇ ਮਰਿਆਦਾ ਕਮੇਟੀ ਦੀ ਰਿਪੋਰਟ ਆਉਣੀ ਬਾਕੀ ਹੈ। ‘ਆਪ’ ਆਗੂ ਨੇ ਆਪਣੇ ਵਕੀਲ ਸ਼ਾਦਾਨ ਫਰਾਸਾਤ ਰਾਹੀਂ ਦਾਇਰ ਪਟੀਸ਼ਨ ਵਿੱਚ ਕਿਹਾ ਕਿ ਅਣਮਿੱਥੇ ਸਮੇਂ ਲਈ ਮੁਅੱਤਲ ਕਰਨ ਦਾ ਅਧਿਕਾਰ ਖ਼ਤਰਨਾਕ ਤਰੀਕੇ ਨਾਲ ਵਧੀਕੀ ਤੇ ਦੁਰਵਿਹਾਰ ਦੀ ਖੁੱਲ੍ਹ ਦਿੰਦਾ ਹੈ। -ਪੀਟੀਆਈ
Advertisement
Advertisement
Advertisement