ਹਰਿਆਣਾ: ਕੇਐੱਮਪੀ ਐਕਸਪ੍ਰੈੱਸ ਵੇਅ ’ਤੇ ਕੈਂਟਰ ਨੇ ਕਾਰ ਨੂੰ ਟੱਕਰ ਮਾਰੀ, ਦੋ ਬੱਚਿਆਂ ਸਣੇ 4 ਮੌਤਾਂ

ਪ੍ਰਥਮ ਸ਼ਰਮਾ/ਰੋਹਿਤ ਵਿਦਿਆਰਥੀ
ਝੱਜਰ/ਬਹਾਦੁਰਗੜ੍ਹ, 26 ਜੁਲਾਈ
ਹਰਿਆਣਾ ਦੇ ਬਹਾਦੁਰਗੜ੍ਹ ਤੋਂ ਲੰਘਦੇ ਕੇਐੱਮਪੀ ਐਕਸਪ੍ਰੈਸ ਵੇਅ 'ਤੇ ਇੱਕ ਵਾਰ ਫਿਰ ਰਫ਼ਤਾਰ ਦਾ ਕਹਿਰ ਦੇਖਣ ਨੂੰ ਮਿਲਿਆ ਹੈ। ਇੱਥੇ ਤੇਜ਼ ਰਫ਼ਤਾਰ ਕੈਂਟਰ ਨੇ ਸੜਕ ਕਨਿਾਰੇ ਖੜ੍ਹੀ ਟਾਟਾ ਟਿਆਗੋ ਨੂੰ ਟੱਕਰ ਮਾਰ ਦਿੱਤੀ। ਇਸ ਦਰਦਨਾਕ ਹਾਦਸੇ ਵਿੱਚ ਦੋ ਬੱਚਿਆਂ, ਇੱਕ ਔਰਤ ਸਮੇਤ ਚਾਰ ਵਿਅਕਤੀਆਂ ਦੀ ਮੌਤ ਹੋ ਗਈ ਤੇ ਇੱਕ ਔਰਤ ਗੰਭੀਰ ਰੂਪ ਵਿੱਚ ਜ਼ਖਮੀ ਹੋ ਗਈ। ਜ਼ਖਮੀ ਔਰਤ ਨੂੰ ਇਲਾਜ ਲਈ ਪਹਿਲਾਂ ਬਹਾਦਰਗੜ੍ਹ ਜਨਰਲ ਹਸਪਤਾਲ ਲਿਆਂਦਾ ਗਿਆ। ਮਰਨ ਵਾਲੇ ਮੇਰਠ ਤੇ ਮੁਰਾਦਾਬਾਦ ਦੇ ਹਨ। ਕੈਂਟਰ ਚਾਲਕ ਫ਼ਰਾਰ ਹੈ।