ਹਰਮਨਪ੍ਰੀਤ ਕੌਰ ਡਬਲਿਊਬੀਬੀਐੱਲ ਟੀਮ ਲਈ 50 ਖਿਡਾਰੀਆਂ ਦੀ ਸੂਚੀ ’ਚ ਸ਼ਾਮਲ

ਮੈਲਬਰਨ: ਭਾਰਤੀ ਕਪਤਾਨ ਹਰਮਨਪ੍ਰੀਤ ਕੌਰ ਨੂੰ ਮਹਿਲਾ ਬਿੱਗ ਬੈਸ਼ ਲੀਗ (ਡਬਲਿਊਬੀਬੀਐੱਲ) ਦੀ ਦਹਾਕੇ ਦੀ ਟੀਮ ਲਈ 50 ਖਿਡਾਰੀਆਂ ਦੀ ਸੂਚੀ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਇਸ ਸੂਚੀ ਨੂੰ ਅੱਜ ਜਾਰੀ ਕੀਤਾ ਗਿਆ, ਜਿਸ ਵਿੱਚ ਜਗ੍ਹਾ ਬਣਾਉਣ ਵਾਲੀ ਹਰਮਨਪ੍ਰੀਤ ਕੌਰ ਇਕਲੌਤੀ ਭਾਰਤੀ ਕ੍ਰਿਕਟਰ ਹੈ। ਇਸ ਸੂਚੀ ਵਿੱਚ ਉਨ੍ਹਾਂ ਖਿਡਾਰੀਆਂ ਨੂੰ ਜਗ੍ਹਾ ਦਿੱਤੀ ਗਈ ਹੈ, ਜਿਨ੍ਹਾਂ ਮੌਜੂਦਾ ਸੈਸ਼ਨ ਤੋਂ ਪਹਿਲਾਂ ਡਬਲਿਊੁਬੀਬੀਐੱਲ ਵਿੱਚ ਘੱਟੋ-ਘੱਟ 60 ਮੈਚ ਖੇਡੇ ਹਨ। ਜਨਤਕ ਵੋਟਿੰਗ ਮਗਰੋਂ ਮਾਹਿਰਾਂ ਦੀ ਇੱਕ ਵਿਸ਼ੇਸ਼ ਚੋਣ ਕਮੇਟੀ ਇਸ ਸੂਚੀ ਵਿੱਚੋਂ ਆਖ਼ਰੀ 12 ਖਿਡਾਰੀਆਂ ਦੀ ਚੋਣ ਕਰੇਗੀ। ਜਨਤਕ ਵੋਟਿੰਗ 11 ਤੋਂ 24 ਨਵੰਬਰ ਤੱਕ ਕੀਤੀ ਜਾ ਸਕਦੀ ਹੈ। ਕ੍ਰਿਕਟ ਆਸਟਰੇਲੀਆ ਦੇ ਡਾਇਰੈਕਟਰ ਕਲੀਅ ਸਮਿੱਥ ਚੋਣ ਕਮੇਟੀ ਦੇ ਪ੍ਰਧਾਨ ਹਨ। ਟੀਮ ਦਾ ਐਲਾਨ ਇੱਕ ਦਸੰਬਰ ਨੂੰ ਕੀਤਾ ਜਾਵੇਗਾ। -ਪੀਟੀਆਈ