ਕਰੀਨਾ ਕਪੂਰ ਵੱਲੋਂ ਨੇਹਾ ਧੂਪੀਆ ਨੂੰ ਜਨਮ ਦਿਨ ਦੀ ਵਧਾਈ

ਨਵੀਂ ਦਿੱਲੀ: ਅਦਾਕਾਰਾ ਕਰੀਨਾ ਕਪੂਰ ਨੇ ਇੱਕ ਤਸਵੀਰ ਸਾਂਝੀ ਕਰਦੇ ਹੋਏ ਸਾਬਕਾ ਮਿਸ ਇੰਡੀਆ ਨੇਹਾ ਧੂਪੀਆ ਨੂੰ ਜਨਮ ਦਿਨ ਦੀ ਵਧਾਈ ਦਿੱਤੀ ਹੈ। ਦੱਸਣਯੋਗ ਹੈ ਕਿ ਨੇਹਾ ਦਾ ਅੱਜ ਆਪਣਾ 43ਵਾਂ ਜਨਮ ਦਿਨ ਹੈ। ਉਸ ਨੇ ਸਾਲ 2002 ਵਿੱਚ ਮਿਸ ਇੰਡੀਆ ਦਾ ਖ਼ਿਤਾਬ ਜਿੱਤਿਆ ਸੀ। ਇਸ ਮਗਰੋਂ ਨੇਹਾ ਨੇ ਸਾਲ 2003 ਵਿੱਚ ਫ਼ਿਲਮ ਕਿਆਮਤ; ਸਿਟੀ ਅੰਡਰ ਥਰੈੱਟ’ ਰਾਹੀਂ ਬੌਲੀਵੁੱਡ ਵਿੱਚ ਪੈਰ ਧਰਿਆ ਸੀ। ਨੇਹਾ ਨੂੰ ‘ਜੂਲੀ’ ਅਤੇ ‘ਸ਼ੀਸ਼ਾ’ ’ਚ ਨਿਭਾਏ ਕਿਰਦਾਰਾਂ ਰਾਹੀਂ ਕਾਫੀ ਪ੍ਰਸਿੱਧੀ ਮਿਲੀ ਸੀ। ਕਰੀਨਾ ਨੇ ਏਅਰਪੋਰਟ ’ਤੇ ਆਪਣੀ ਸਹੇਲੀ ਨੇਹਾ ਨਾਲ ਖਿੱਚੀ ਤਸਵੀਰ ਇੰਸਟਾਗ੍ਰਾਮ ’ਤੇ ਸਾਂਝੀ ਕਰਦਿਆਂ ਉਸ ਲਈ ਸ਼ੁਭ ਕਾਮਨਾਵਾਂ ਭੇਜੀਆਂ ਹਨ। ਕਰੀਨਾ ਨੇ ਚਿੱਟੇ ਰੰਗ ਦਾ ਕੁੜਤਾ ਪਹਿਨਿਆ ਹੋਇਆ ਹੈ ਅਤੇ ਕਾਲੀ ਐਨਕ ਲਾਈ ਹੋਈ ਹੈ ਜਦਕਿ ਨੇਹਾ ਧੁੱਪ ਵੱਲ ਮੂੰਹ ਕਰਕੇ ਪੋਜ਼ ਦੇ ਰਹੀ ਹੈ ਤੇ ਉਸ ਨੇ ਆਪਣਾ ਹੱਥ ਕਰੀਨਾ ਦੇ ਮੋਢੇ ’ਤੇ ਰੱਖਿਆ ਹੋਇਆ ਹੈ। ਇਸ ਤਸਵੀਰ ਦੀ ਕੈਪਸ਼ਨ ਵਿੱਚ ਕਰੀਨਾ ਨੇ ਲਿਖਿਆ,‘‘ ਨੇਹਾ ਜਨਮ ਦਿਨ ਦੀਆਂ ਸ਼ੁਭਕਾਮਨਾਵਾਂ ਤੇ ਬਹੁਤ ਸਾਰਾ ਪਿਆਰ...।’’ ਇਸ ਪੋਸਟ ਦੇ ਜਵਾਬ ਵਿੱਚ ਨੇਹਾ ਨੇ ਵੀ ਲਿਖਿਆ.‘‘ ਮੇਰੀ ਬੇਬੋ ਤੈਨੂੰ ਵੀ ਬਹੁਤ ਸਾਰਾ ਪਿਆਰ...ਕਿੰਨੀਆਂ ਤਾਰੀਫਾਂਂ@ਕਰੀਨਾਕਪੂਰਖਾਨ।’’ -ਆਈਏਐੱਨਐੱਸ