ਹੰਸ ਰਾਜ ਪ੍ਰਧਾਨ ਅਤੇ ਨੈਬ ਸਿੰਘ ਜਨਰਲ ਸਕੱਤਰ ਬਣੇ

ਸ਼ਹਿਣਾ: ਫੀਲਡ ਐਂਡ ਵਰਕਸ਼ਾਪ ਵਰਕਰਜ਼ ਯੂਨੀਅਨ (ਸਿੰਜਾਈ ਵਿਭਾਗ) ਬਰਾਂਚ ਸ਼ਹਿਣਾ ਦੀ ਚੋਣ ਸੂਬਾ ਜਨਰਲ ਸਕੱਤਰ ਅਨਿਲ ਕੁਮਾਰ, ਮੱਖਣ ਸਿੰਘ ਅਤੇ ਕਿਸ਼ੋਰ ਚੰਦ ਦੀ ਦੇਖਰੇਖ ਹੇਠ ਹੋਈ। ਨੈਬ ਸਿੰਘ ਨੇ ਤਿੰਨ ਸਾਲਾਂ ਵਿੱਚ ਬਰਾਂਚ ਵੱਲੋਂ ਕੀਤੇ ਗਏ ਕੰਮਾਂ ਵਾਰੇ ਜਾਣਕਾਰੀ ਦਿੱਤੀ ਅਤੇ ਵਿਸਾਖਾ ਸਿੰਘ ਨੇ ਵਿੱਤੀ ਰਿਪੋਰਟ ਪੇਸ਼ ਕੀਤੀ। ਇਸ ਮੌਕੇ ਸਰਬਸੰਮਤੀ ਨਾਲ ਹੰਸ ਰਾਜ ਨੂੰ ਪ੍ਰਧਾਨ, ਨੈਬ ਸਿੰਘ ਨੂੰ ਜਨਰਲ ਸਕੱਤਰ ਅਤੇ ਵਿਸਾਖਾ ਨੂੰ ਖਜ਼ਾਨਚੀ ਚੁਣਿਆ ਗਿਆ। ਸੁਰੇਸ਼ ਕੁਮਾਰ ਸੀਨੀਅਰ ਮੀਤ ਪ੍ਰਧਾਨ, ਹੁਸਨਪ੍ਰੀਤ ਸਿੰਘ ਸਹਾਇਕ ਸਕੱਤਰ, ਦਰਸ਼ਨ ਸਿੰਘ ਖਾਲਸਾ ਸਲਾਹਕਾਰ ਸਕੱਤਰ, ਸਤਨਾਮ ਸਿੰਘ ਪ੍ਰੈਸ ਸਕੱਤਰ, ਮੱਖਣ ਸਿੰਘ, ਰਾਜ ਪਾਲ ਅਤੇ ਓਮ ਪ੍ਰਕਾਸ਼ ਕਾਰਜਕਰਨੀ ਦੇ ਮੈਂਬਰ ਲਏ ਗਏ। ਇਸ ਚੋਣ ਦੇ ਨਾਲ ਹੀ 17 ਮੈਂਬਰੀ ਕਮੇਟੀ ਦੀ ਵੀ ਚੋਣ ਕੀਤੀ ਗਈ। -ਪੱਤਰ ਪ੍ਰੇਰਕ