ਗੁਰੂ ਨਾਨਕ ਸਹਾਰਾ ਸੁਸਾਇਟੀ ਨੇ ਪੈਨਸ਼ਨ ਤੇ ਰਾਸ਼ਨ ਵੰਡਿਆ

ਨਿੱਜੀ ਪੱਤਰ ਪ੍ਰੇਰਕ
ਜਗਰਾਉਂ, 14 ਅਕਤੂਬਰ
ਗੁਰੂ ਨਾਨਕ ਸਹਾਰਾ ਸੁਸਾਇਟੀ ਜਗਰਾਉਂ ਨੇ ਲਾਜਪਤ ਰਾਏ ਡੀਏਵੀ ਕਾਲਜ ’ਚ 193ਵਾਂ ਮਹੀਨਾਵਾਰ ਪੈਨਸ਼ਨ ਤੇ ਰਾਸ਼ਨ ਵੰਡ ਸਮਾਗਮ ਕਰਵਾਇਆ। ਮਰਹੂਮ ਸੰਸਾਰ ਚੰਦ ਵਰਮਾ ਯਾਦਗਾਰੀ ਸਮਾਗਮ ’ਚ ਪ੍ਰਿੰਸੀਪਲ ਡਾ. ਅਨੁਜ ਸ਼ਰਮਾ ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ। ਉਨ੍ਹਾਂ ਆਪਣੀ ਕਮਾਈ ’ਚੋਂ 26 ਬਜ਼ੁਰਗਾਂ ਨੂੰ ਮਹੀਨੇ ਦੀ ਪੈਨਸ਼ਨ ਅਤੇ ਦੁਸਹਿਰੇ ਦੀ ਖੁਸ਼ੀ ’ਚ ਮਠਿਆਈ ਦੇ ਡੱਬੇ ਵੰਡੇ। ਇਸ ਮੌਕੇ ਕੈਮਿਸਟ ਐਸੋਸੀਏਸ਼ਨ ਦੇ ਪ੍ਰਧਾਨ ਪੰਕਜ ਅੱਗਰਵਾਲ ਨੇ 26 ਬਜ਼ੁਰਗਾਂ ਨੂੰ ਰਾਸ਼ਨ ਵੰਡਿਆ। ‘ਕਰ ਭਲਾ ਹੋ ਭਲਾ ਸੁਸਾਇਟੀ’ ਨੇ ਬਿਸਕੁਟ, ਰਸ ਅਤੇ ਲੰਚ ਡੱਬੇ ਵੰਡੇ। ਪ੍ਰਿੰਸੀਪਲ ਸ਼ਰਮਾ ਨੇ ਸਾਰੇ ਬਜ਼ੁਰਗਾਂ ਅਤੇ ਮਹਿਮਾਨਾਂ ਲਈ ਭੋਜਨ ਦਾ ਪ੍ਰਬੰਧ ਵੀ ਕੀਤਾ। ਇਸ ਮੌਕੇ ਸੁਸ਼ਮਾ ਰਾਣੀ, ਕੈਪਟਨ ਨਰੇਸ਼ ਵਰਮਾ, ਪ੍ਰੇਮ ਚੰਦ ਗਰਗ, ਸ਼ਸ਼ੀ ਭੂਸ਼ਣ ਜੈਨ, ਕੰਚਨ ਗੁਪਤਾ, ਮਨੋਹਰ ਸਿੰਘ ਟੱਕਰ, ਰਾਜਿੰਦਰ ਜੈਨ, ਨੀਰਜ ਕਟਾਰੀਆ, ਰਾਕੇਸ਼ ਭਾਰਦਵਾਜ, ਕੇਵਲ ਮਲਹੋਤਰਾ, ਰਾਮ ਕ੍ਰਿਸ਼ਨ ਗੁਪਤਾ, ਵਰਿੰਦਰ ਬਾਂਸਲ, ਜਤਿੰਦਰ ਬਾਂਸਲ, ਮੁਕੇਸ਼ ਮਲਹੋਤਰਾ ਅਤੇ ਸੰਜੇ ਕੁਮਾਰ ਹਾਜ਼ਰ ਸਨ।