ਗੁਪਤੇ ਜਰਮਨੀ ਤੇ ਸਿੰਗਲਾ ਫਰਾਂਸ ਦੇ ਨਵੇਂ ਰਾਜਦੂਤ ਨਿਯੁਕਤ

ਨਵੀਂ ਦਿੱਲੀ: ਸੀਨੀਅਰ ਕੂਟਨੀਤਕ ਅਜੀਤ ਵਿਨਾਇਕ ਗੁਪਤੇ ਨੂੰ ਜਰਮਨੀ ਵਿੱਚ ਅਤੇ ਸੰਜੀਵ ਕੁਮਾਰ ਸਿੰਗਲਾ ਨੂੰ ਫਰਾਂਸ ’ਚ ਭਾਰਤ ਦਾ ਨਵਾਂ ਰਾਜਦੂਤ ਨਿਯੁਕਤ ਕੀਤਾ ਗਿਆ ਹੈ। ਵਿਦੇਸ਼ ਮੰਤਰਾਲੇ ਨੇ ਦੱਸਿਆ, ‘ਮੌਜੂਦਾ ਸਮੇਂ ਮਿਸਰ ’ਚ ਭਾਰਤ ਦੇ ਰਾਜਦੂਤ ਅਜੀਤ ਵਿਨਾਇਕ ਗੁਪਤੇ (ਆਈਐੱਫਐੱਸ 1991) ਨੂੰ ਜਰਮਨੀ ’ਚ ਭਾਰਤ ਦਾ ਅਗਲਾ ਰਾਜਦੂਤ ਨਿਯੁਕਤ ਕੀਤਾ ਗਿਆ ਹੈ। ਇਸੇ ਤਰ੍ਹਾਂ ਮੌਜੂਦਾ ਸਮੇਂ ਇਜ਼ਰਾਈਲ ’ਚ ਭਾਰਤ ਦੇ ਰਾਜਦੂਤ ਸੰਜੀਵ ਕੁਮਾਰ ਸਿੰਗਲਾ (ਆਈਐੱਫਐੱਸ 1997) ਨੂੰ ਫਰਾਂਸ ’ਚ ਭਾਰਤ ਦਾ ਅਗਲਾ ਰਾਜਦੂਤ ਨਿਯੁਕਤ ਕੀਤਾ ਗਿਆ ਹੈ। -ਪੀਟੀਆਈ