ਬਾਬਾ ਗਾਜ਼ੀਦਾਸ ਕਲੱਬ ਵੱਲੋਂ ਸਮੂਹਿਕ ਵਿਆਹ

ਜਗਮੋਹਨ ਸਿੰਘ
ਰੂਪਨਗਰ, 20 ਨਵੰਬਰ
ਬਾਬਾ ਗਾਜ਼ੀਦਾਸ ਕਲੱਬ ਰੋਡ ਮਾਜਰਾ ਚੱਕਲਾਂ ਵੱਲੋਂ ਲੋੜਵੰਦ ਲੜਕੀਆਂ ਦੇ ਸਮੂਹਿਕ ਵਿਆਹ ਕਰਵਾਏ ਗਏ। ਕਲੱਬ ਦੇ ਪ੍ਰਧਾਨ ਦਵਿੰਦਰ ਸਿੰਘ ਬਾਜਵਾ ਦੀ ਦੇਖ-ਰੇਖ ਅਧੀਨ ਕਰਵਾਏ ਸਮਾਗਮ ਦੌਰਾਨ ਬਾਬਾ ਗਾਜ਼ੀਦਾਸ ਸਟੇਡੀਅਮ ਵਿੱਚ 16 ਜੋੜਿਆਂ ਦੇ ਸਮੂਹਿਕ ਆਨੰਦ ਕਾਰਜ ਕਰਵਾਏ ਗਏ। ਇਹ ਰਸਮ ਦਰਬਾਰ ਸਾਹਿਬ ਦੇ ਸਾਬਕਾ ਹੈੱਡ ਗ੍ਰੰਥੀ ਗਿਆਨੀ ਜਸਵਿੰਦਰ ਸਿੰਘ ਵੱਲੋਂ ਅਦਾ ਕੀਤੀ ਗਈ। ਸਮਾਗਮ ਦੌਰਾਨ ਜੋੜਿਆਂ ਨੂੰ ਆਸ਼ੀਰਵਾਦ ਦੇਣ ਲਈ ਸੰਤ ਅਵਤਾਰ ਸਿੰਘ ਧੂਲਕੋਟ, ਕਮਲਜੀਤ ਕੌਰ ਸੋਲਖੀਆਂ, ਸੰਸਦ ਮੈਂਬਰ ਮਲਵਿੰਦਰ ਸਿੰਘ ਕੰਗ, ਵਿਧਾਇਕ ਡਾ. ਚਰਨਜੀਤ ਸਿੰਘ, ਡੀਸੀ ਹਿਮਾਂਸ਼ੂ ਜੈਨ, ਡਾ. ਦਲਜੀਤ ਸਿੰਘ ਚੀਮਾ, ਡਾ. ਹਰਸ਼ਿੰਦਰ ਕੌਰ ਪਟਿਆਲਾ, ਗੁਰਦੇਵ ਸਿੰਘ ਅਟਵਾਲ, ਰਜਿੰਦਰ ਕੌਰ ਪਡਿਆਲਾ, ਐਸਜੀਪੀਸੀ ਮੈਂਬਰ ਅਜਮੇਰ ਸਿੰਘ ਖੇੜਾ, ਜ਼ਿਲ੍ਹਾ ਕਾਂਗਰਸ ਪ੍ਰਧਾਨ ਰੂਪਨਗਰ ਅਸ਼ਵਨੀ ਸ਼ਰਮਾ ਤੇ ਮੁਹਾਲੀ ਜੀਤੀ ਪਡਿਆਲਾ, ਸੁਰਿੰਦਰ ਸਿੰਘ ਹਰੀਪੁਰ, ਕਾਲੀ ਆਗੂ ਗੁਰਿੰਦਰ ਸਿੰਘ ਗੋਗੀ, ਨਰਿੰਦਰ ਸਿੰਘ ਮਾਵੀ ਆਦਿ ਪਹੁੰਚੇ।
ਸਮਾਗਮ ਵਿੱਚ ਸਰਪੰਚ ਮਨਜੀਤ ਕੌਰ ਬਾਜਵਾ ਰੋਡ ਮਾਜਰਾ, ਕਲੱਬ ਦੇ ਸਕੱਤਰ ਮੋਹਰ ਸਿੰਘ ਖਾਬੜਾ, ਜੈ ਸਿੰਘ ਚੱਕਲ, ਮਨਮੋਹਨ ਸਿੰਘ, ਗੁਰਦੀਪ ਸਿੰਘ, ਸੁਖਵਿੰਦਰ ਸਿੰਘ ਗਿੱਲ, ਬਿੱਟੂ ਬਾਜਵਾ, ਮੇਜਰ ਸਿੰਘ, ਬਲਵਿੰਦਰ ਸਿੰਘ, ਹੈਪੀ ਚੱਕਲ, ਸਰਬਜੀਤ ਸਿੰਘ ਚੈੜੀਆਂ ਆਦਿ ਦਾ ਵਿਸ਼ੇਸ਼ ਯੋਗਦਾਨ ਰਿਹਾ।