ਬਾਬਾ ਗਾਜ਼ੀਦਾਸ ਕਲੱਬ ਵੱਲੋਂ ਸਮੂਹਿਕ ਵਿਆਹ 20 ਨੂੰ

ਰੂਪਨਗਰ: ਬਾਬਾ ਗਾਜੀਦਾਸ ਕਲੱਬ ਰੋਡਮਾਜਰਾ ਚੱਕਲਾਂ ਵੱਲੋਂ ਇਸ ਸਾਲ ਵੀ 20 ਨਵੰਬਰ ਨੂੰ ਗੁਰਦੁਆਰਾ ਪਾਤਸ਼ਾਹੀ ਦਸਵੀਂ ਅਤੇ ਅਸਥਾਨ ਬਾਬਾ ਗਾਜੀਦਾਸ ਜੀ ਰੋਡਮਾਜਰਾ ਚੱਕਲਾਂ ਵਿੱਚ ਸਾਲਾਨਾ ਵਿਆਹ ਸਮਾਗਮ ਕਰਵਾਇਆ ਜਾ ਰਿਹਾ ਹੈ। ਕਲੱਬ ਦੇ ਪ੍ਰਧਾਨ ਦਵਿੰਦਰ ਸਿੰਘ ਬਾਜਵਾ ਅਤੇ ਜਨਰਲ ਸਕੱਤਰ ਮੋਹਰ ਸਿੰਘ ਖਾਬੜਾ ਨੇ ਦੱਸਿਆ ਕਿ 20 ਨਵੰਬਰ ਨੂੰ ਸਵੇਰੇ 10 ਵਜੇ ਬਾਰਾਤਾਂ ਦਾ ਸਵਾਗਤ ਕੀਤਾ ਜਾਵੇਗਾ ਤੇ 11 ਵਜੇ ਨਵ ਵਿਆਹੁਤਾ ਜੋੜਿਆਂ ਦੇ ਸਮੂਹਿਕ ਆਨੰਦ ਕਾਰਜ ਕਰਵਾਏ ਜਾਣਗੇ। ਇਸ ਉਪਰੰਤ ਬਾਬਾ ਗਾਜੀਦਾਸ ਸਟੇਡੀਅਮ ਵਿੱਚ ਜੋੜਿਆਂ ਦੇ ਸ਼ਗਨ ਦੀ ਰਸਮ ਅਦਾ ਕੀਤੀ ਜਾਵੇਗੀ ਅਤੇ ਹਰ ਜੋੜੀ ਨੂੰ 51 ਹਜ਼ਾਰ ਰੁਪਏ ਸ਼ਗਨ ਦਿੱਤਾ ਜਾਵੇਗਾ। ਇਸ ਮੌਕੇ ਮੇਜਰ ਸਿੰਘ, ਜੈ ਸਿੰਘ ਚੱਕਲਾਂ, ਸਾਬਕਾ ਸਰਪੰਚ ਬਿੱਟੂ ਬਾਜਵਾ ਤੇ ਬਲਵਿੰਦਰ ਸਿੰਘ, ਅਮਰਾਓ ਸਿੰਘ ਨੰਬਰਦਾਰ, ਗੁਰਦੀਪ ਸਿੰਘ ਦੀਪੂ, ਬਲਦੇਵ ਸਿੰਘ ਚੱਕਲ, ਗੁਰਦੇਵ ਸਿੰਘ ਅਟਵਾਲ ਆਦਿ ਹਾਜ਼ਰ ਸਨ। -ਪੱਤਰ ਪ੍ਰੇਰਕ