ਸਰਕਾਰੀ ਸਕੂਲ ਮੀਆਂ ਨੇ ਓਵਰਆਲ ਟਰਾਫ਼ੀ ਜਿੱਤੀ

ਮਾਨਸਾ: ਜ਼ਿਲ੍ਹਾ ਮਾਨਸਾ ਦੇ ਸੈਂਟਰ ਜੌੜਕੀਆਂ ਦੀਆਂ ਪ੍ਰਾਇਮਰੀ ਸਕੂਲ ਖੇਡਾਂ ਅੰਡਰ-11 ਵਿੱਚੋਂ ਸਰਕਾਰੀ ਪ੍ਰਾਇਮਰੀ ਸਕੂਲ ਮੀਆਂ ਦੇ ਬੱਚਿਆਂ ਨੇ ਸਭ ਤੋਂ ਵੱਧ ਗੋਲਡ ਮੈਡਲ ਜਿੱਤ ਕੇ ਓਵਰਆਲ ਟਰਾਫ਼ੀ ’ਤੇ ਕਬਜ਼ਾ ਕਰ ਕੇ ਆਪਣੇ ਸਕੂਲ, ਮਾਪਿਆਂ ਅਤੇ ਪਿੰਡ ਦਾ ਨਾਂ ਰੌਸ਼ਨ ਕੀਤਾ ਹੈ। ਸਕੂਲ ਪੁੱਜਣ ’ਤੇ ਜੇਤੂ ਬੱਚਿਆਂ ਦਾ ਸਨਮਾਨ ਕੀਤਾ ਗਿਆ। ਖੇਡ ਇੰਚਾਰਜ ਸੁਸ਼ੀਲ ਕੁਮਾਰ ਅਤੇ ਸੁਖਪ੍ਰੀਤ ਕੌਰ ਨੇ ਦੱਸਿਆ ਕਿ ਸਥਾਨਕ ਸਕੂਲ ਦੇ ਬੱਚਿਆਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਕਬੱਡੀ ਮੁੰਡੇ (ਸੋਨ ਤਗ਼ਮਾ), ਕਬੱਡੀ ਕੁੜੀਆਂ (ਸੋਨ ਤਗ਼ਮਾ), ਦੌੜ 100 ਮੀਟਰ, 200 ਮੀਟਰ, ਲੰਬੀ ਛਾਲ ਵਿੱਚ ਗੁਰਨੂਰ ਕੌਰ, ਯੋਗ (ਮੁੰਡੇ), ਯੋਗਾ (ਕੁੜੀਆਂ), ਸ਼ਤਰੰਜ (ਮੁੰਡੇ/ਕੁੜੀਆਂ), ਕੁਸ਼ਤੀਆਂ 25 ਕਿਲੋ ਭਾਰ ’ਚ ਮਨਪ੍ਰੀਤ ਸਿੰਘ ਸਿੰਘ, 30 ਕਿਲੋ ਭਾਰ ਵਿੱਚ ਜਸਨੂਰ ਸਿੰਘ ਪਹਿਲਾ ਸਥਾਨ ਹਾਸਲ ਕੀਤਾ। -ਪੱਤਰ ਪ੍ਰੇਰਕ