ਆਟਾ ਚੱਕੀ ’ਚੋਂ ਹਜ਼ਾਰਾਂ ਦਾ ਸਾਮਾਨ ਚੋਰੀ
07:30 AM Feb 03, 2025 IST
Advertisement
ਨਿੱਜੀ ਪੱਤਰ ਪ੍ਰੇਰਕ
ਤਪਾ ਮੰਡੀ, 2 ਫਰਵਰੀ
ਇਲਾਕੇ ’ਚ ਚੋਰਾਂ ਦੇ ਹੌਂਸਲੇ ਬੁਲੰਦ ਹਨ। ਚੋਰੀ ਦੀ ਇੱਕ ਘਟਨਾ ਬੀਤੀ ਰਾਤ ਤਪਾ ਮੰਡੀ ਦੇ ਢਿੱਲਵਾਂ ਫ਼ਾਟਕਾਂ ਨਜ਼ਦੀਕ ਸਥਿਤ ਆਟਾ ਚੱਕੀ ‘ਚ ਵਾਪਰੀ। ਜਿਥੇ ਚੋਰ ਹਜ਼ਾਰਾਂ ਰੁਪਏ ਦਾ ਸਾਮਾਨ ਚੋਰੀ ਕਰ ਕੇ ਲੈ ਗਏ। ਆਟਾ ਚੱਕੀ ਦੇ ਮਾਲਕ ਮੁਨੀਸ਼ ਕੁਮਾਰ ਨੇ ਦੱਸਿਆ ਉਹ ਚੱਕੀ ਦੇ ਨਾਲ-ਨਾਲ ਕਰਿਆਨੇ ਦਾ ਕੰਮ ਕਰਦਾ ਹੈ। ਰਾਤ ਸਮੇਂ ਚੋਰਾਂ ਨੇ ਪਿਛਲੇ ਪਾਸੇ ਰੋਸ਼ਨਦਾਨ ਵਿੱਚੋਂ ਦੀ ਦਾਖ਼ਲ ਹੋ ਕੇ ਆਟਾ ਚੱਕੀ ਦਾ ਦਰਵਾਜ਼ਾ ਤੋੜ ਕੇ ਅੰਦਰ ਦਾਖਲ ਹੋਏ ਅਤੇ ਕੋਲਡ ਡਰਿੰਕਸ ਦੀਆਂ 4 ਪੇਟੀਆਂ, ਮਸਾਲੇ ਦਾ ਗੱਟਾ, ਦੋ ਗੱਟੇ ਕਣਕ ਅਤੇ ਗੈਸ ਸਿਲੰਡਰ ਚੋਰੀ ਕਰਕੇ ਲੈ ਗਏ। ਚੋਰੀ ਹੋਏ ਸਮਾਨ ਦੀ ਅੰਦਾਜ਼ਨ ਕੀਮਤ 7-8 ਹਜ਼ਾਰ ਰੁਪਏ ਬਣਦੀ ਹੈ। ਘਟਨਾ ਸਬੰਧੀ ਪੁਲੀਸ ਚੌਕੀ ਤਪਾ ਨੂੰ ਸੂਚਨਾ ਦੇ ਦਿੱਤੀ ਹੈ। ਸਹਾਇਕ ਥਾਣੇਦਾਰ ਸਤਿਗੁਰ ਸਿੰਘ ਦੀ ਅਗਵਾਈ ਹੇਠ ਪੁਲੀਸ ਨੇ ਮੌਕੇ ਦਾ ਜਾਇਜ਼ਾ ਲਿਆ ਤੇ ਕਾਰਵਾਈ ਸ਼ੁਰੂ ਕੀਤੀ।
Advertisement
Advertisement
Advertisement