ਦੁਕਾਨ ਵਿੱਚੋਂ ਡੇਢ ਲੱਖ ਰੁਪਏ ਤੇ ਸਾਮਾਨ ਚੋਰੀ

ਪੱਤਰ ਪ੍ਰੇਰਕ

ਜਲੰਧਰ, 11 ਜੂਨ

ਆਦਮਪੁਰ ਦੇ ਘੰਟਾ ਘਰ ਨੇੜੇ ਸੰਦੀਪ ਕਰਿਆਨਾ ਸਟੋਰ ਵਿਚ 1 ਲੱਖ 45 ਹਜ਼ਾਰ ਰੁਪਏ ਚੋਰੀ ਹੋ ਗਏ। ਸੰਦੀਪ ਟੰਡਨ ਨੇ ਦੱਸਿਆ ਕਿ ਬੀਤੀ ਰਾਤ ਉਹ ਦੁਕਾਨ ਬੰਦ ਕਰਕੇ ਘਰ ਗਿਆ ਤੇ ਅੱਜ ਸਵੇਰੇ ਜਦ ਉਸ ਨੇ ਆ ਕੇ ਦੇਖਿਆ ਤਾਂ ਦੁਕਾਨ ਦੇ ਸ਼ਟਰ ਦੇ ਜਿੰਦਰੇ ਟੁੱਟੇ ਹੋਏ ਸਨ। ਜਦ ਉਸ ਨੇ ਦੁਕਾਨ ਅੰਦਰ ਜਾ ਕੇ ਦੇਖਿਆ ਤਾਂ ਗੱਲੇ ਵਿਚ ਪਏ ਇੱਕ ਲੱਖ ਪੰਤਾਲੀ ਹਜ਼ਾਰ ਰੁਪਏ ਤੇ ਹੋਰ ਸਮਾਨ ਗਾਇਬ ਸੀ। ਉਸ ਨੇ ਦੱਸਿਆ ਕਿ ਚੋਰ ਆਪਣੇ ਨਾਲ ਦੁਕਾਨ ਵਿਚ ਲੱਗੇ ਕੈਮਰੇ ਅਤੇ ਡੀਵੀਆਰ ਵੀ ਲੈ ਗਿਆ। ਪੁਲੀਸ ਨੇ ਨੇੜਲੀਆਂ ਦੁਕਾਨਾਂ ਦੇ ਸੀਸੀਟੀਵੀ ਕੈਮਰੇ ਚੈਕ ਕੀਤੇ ਤਾਂ ਪਤਾ ਲੱਗਾ ਕਿ ਬੀਤੀ ਰਾਤ 11.20 ਮਿੰਟ ‘ਤੇ ਇੱਕ ਵਿਅਕਤੀ ਸਾਈਕਲ ‘ਤੇ ਆਇਆ ਤੇ ਦੁਕਾਨ ਦੇ ਜਿੰਦਰੇ ਤੋੜ ਕੇ 15 ਮਿੰਟ ਬਾਅਦ ਸਾਇਕਲ ‘ਤੇ ਹੀ ਸਮਾਨ ਰੱਖ ਕੇ ਆਪਣੇ ਨਾਲ ਲੈ ਗਿਆ।