ਗੋਲਫ: ਭਾਟੀਆ ਨੇ ਵਾਲੇਰੋ ਟੈਕਸਸ ਓਪਨ ਖਿਤਾਬ ਜਿੱਤਿਆ

ਸਾਂ ਐਂਟੋਨੀਓ: ਭਾਰਤੀ-ਅਮਰੀਕੀ ਗੋਲਫਰ ਅਕਸ਼ੈ ਭਾਟੀਆ ਨੇ ਪਲੇਅ-ਆਫ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਇੱਥੇ ਵਾਲੇਰੋ ਟੈਕਸਸ ਓਪਨ ਦਾ ਖਿਤਾਬ ਜਿੱਤਿਆ ਤੇ ਅਗਲੇ ਮਹੀਨੇ ਹੋਣ ਵਾਲੇ ਅਗਸਤਾ ਮਾਸਟਰਜ਼ ਵਿੱਚ ਜਗ੍ਹਾ ਪੱਕੀ ਕੀਤੀ। ਭਾਟੀਆ ਨੇ ਪਲੇਅ-ਆਫ ਵਿੱਚ ਡੈਨੀ ਮੈੱਕਾਰਥੀ ਨੂੰ ਪਛਾੜਿਆ ਜਿਸ ਨੇ ਆਪਣੇ ਆਖਰੀ ਨੌਂ ਹੋਲਾਂ ’ਚੋਂ ਅੱਠ ਵਿੱਚ ਬਰਡੀ ਕੀਤੀ। 72 ਹੋਲ ਤੋਂ ਬਾਅਦ ਦੋਵਾਂ ਖਿਡਾਰੀਆਂ ਦਾ ਸਕੋਰ 20 ਅੰਡਰ ਰਿਹਾ। ਬਾਅਦ ਵਿੱਚ ਭਾਟੀਆ ਨੇ ਪਲੇਅ-ਆਫ ’ਚ ਪਹਿਲੇ ਵਾਧੂ ਹੋਲ ’ਤੇ ਬਰਡੀ ਨਾਲ ਖਿਤਾਬ ਆਪਣੇ ਨਾਮ ਕੀਤਾ। -ਪੀਟੀਆਈ