ਲੱਖਾਂ ਰੁਪਏ ਦੇ ਸੋਨੇ ਦੇ ਗਹਿਣੇ ਅਤੇ ਹੋਰ ਸਾਮਾਨ ਚੋਰੀ

ਨਿੱਜੀ ਪੱਤਰ ਪ੍ਰੇਰਕ
ਲੁਧਿਆਣਾ, 31 ਜੁਲਾਈ
ਵੱਖ ਵੱਖ ਥਾਵਾਂ ਤੋਂ ਨਾਮਾਲੂਮ ਵਿਅਕਤੀ ਲੱਖਾਂ ਰੁਪਏ ਦੇ ਮੁੱਲ ਦੇ ਗਹਿਣੇ ਅਤੇ ਹੋਰ ਸਮਾਨ ਚੋਰੀ ਕਰਕੇ ਲੈ ਗਏ ਹਨ। ਇਸ ਸਬੰਧੀ ਥਾਣਾ ਡਵੀਜ਼ਨ ਨੰਬਰ 8 ਦੀ ਪੁਲੀਸ ਨੂੰ ਨਿਊ ਪ੍ਰੇਮ ਨਗਰ ਸਿਵਲ ਲਾਇਨ ਵਾਸੀ ਵੇਲਮੁਰਗਨ ਪੇਰੂਮਲ ਨੇ ਦੱਸਿਆ ਹੈ ਕਿ ਉਸ ਵੱਲੋਂ ਆਪਣੇ ਘਰ ਦੀ ਅਲਮਾਰੀ ਵਿੱਚ ਸੋਨੇ ਦੇ ਗਹਿਣੇ ਰੱਖੇ ਸਨ। ਕੁੱਝ ਦਿਨ ਬਾਅਦ ਜਦੋਂ ਉਸ ਨੇ ਅਲਮਾਰੀ ਚੈਕ ਕੀਤੀ ਤਾਂ ਉਸ ਵਿੱਚੋਂ ਸੋਨੇ ਦੇ ਗਹਿਣੇ ਜਿਸ ਵਿੱਚ ਇੱਕ ਲੇਡੀਜ਼ ਚੈਨ ਵਜ਼ਨ ਕਰੀਬ 5 ਤੋਲੇ, 2 ਲੇਡੀਜ਼ ਚੂੜੀਆਂ ਵਜ਼ਨ 3 ਤੋਲੇ, ਇਕ ਲੇਡੀਜ਼ ਕੜਾ ਵਜ਼ਨ ਕਰੀਬ 4 ਤੋਲੇ, ਇੱਕ ਜੈਂਟਸ ਚੈਨ ਜਿਸ ਦਾ ਵਜ਼ਨ ਕਰੀਬ 4 ਤੋਲੇ ਗਾਇਬ ਸੀ ਜਿਸ ਨੂੰ ਕੋਈ ਨਾਮਾਲੂਮ ਵਿਅਕਤੀ ਚੋਰੀ ਕਰਕੇ ਲੈ ਗਿਆ ਹੈ।