ਗਿੱਲ ਹੋਣਗੇ ਵੈਟਰਨਰੀ ’ਵਰਸਿਟੀ ਦੇ ਨਵੇਂ ਉਪ-ਕੁਲਪਤੀ
08:45 AM Sep 11, 2024 IST
ਖੇਤਰੀ ਪ੍ਰਤੀਨਿਧ
ਲੁਧਿਆਣਾ, 10 ਸਤੰਬਰ
ਗੁਰੂ ਅੰਗਦ ਦੇਵ ਯੂਨੀਵਰਸਿਟੀ ਐਂਡ ਐਨੀਮਲ ਸਾਇੰਸਜ਼ ਯੂਨੀਵਰਸਿਟੀ, ਲੁਧਿਆਣਾ ਦੇ ਪ੍ਰਬੰਧਕੀ ਬੋਰਡ ਦੀ ਮੀਟਿੰਗ ਵਿੱਚ ਡਾ. ਜਤਿੰਦਰ ਪਾਲ ਸਿੰਘ ਗਿੱਲ ਦੇ ਨਾਂ ਨੂੰ ਨਵੇਂ ਉਪ ਕੁਲਪਤੀ ਵਜੋਂ ਪ੍ਰਵਾਨਗੀ ਦੇ ਦਿੱਤੀ ਗਈ ਹੈ। ਡਾ. ਗਿੱਲ ’ਵਰਸਿਟੀ ਦੇ ਮੌਜੂਦਾ ਉਪ ਕੁਲਪਤੀ ਡਾ. ਇੰਦਰਜੀਤ ਸਿੰਘ ਦੀ ਥਾਂ ਲੈਣਗੇ। ਡਾ. ਗਿੱਲ ਅਹੁਦਾ ਸੰਭਾਲਣ ਦੀ ਤਰੀਕ ਤੋਂ ਚਾਰ ਸਾਲ ਤੱਕ ਇਸ ਅਹੁਦੇ ’ਤੇ ਕੰਮ ਕਰਨਗੇ। ਸੂਤਰਾਂ ਅਨੁਸਾਰ ਡਾ. ਗਿੱਲ ਮੌਜੂਦਾ ਸਮੇਂ ’ਵਰਸਿਟੀ ਵਿੱਚ ਡਾਇਰੈਕਟਰ ਰਿਸਰਚ ਵਜੋਂ ਸੇਵਾ ਨਿਭਾਅ ਰਹੇ ਹਨ ਅਤੇ ਉਨ੍ਹਾਂ ਦਾ ਕਾਰਜਕਾਲ ਇਸੇ ਮਹੀਨੇ ਹੀ ਖਤਮ ਹੋ ਰਿਹਾ ਸੀ।
Advertisement
Advertisement