ਇੰਡੀਆ ਟੂਡੇ ਰੈਂਕਿੰਗ ’ਚ ਜੀਜੀਡੀ ਐੱਸਡੀ ਸਰਵੋਤਮ ਕਾਲਜ

ਸੁਖਵਿੰਦਰ ਪਾਲ ਸੋਢੀ

ਚੰਡੀਗੜ੍ਹ, 25 ਜੂਨ

ਇੱਥੋਂ ਦੇ ਸੈਕਟਰ-32 ਸਥਿਤ ਜੀਜੀਡੀ ਐੱਸਡੀ ਕਾਲਜ ਨੂੰ ਇੰਡੀਆ ਟੂਡੇ-ਐੱਮਡੀਆਰਏ ਨੇ ਸਰਵੋਤਮ ਕਾਲਜ ਐਲਾਨਿਆ ਹੈ। ਇੰਡੀਆ ਟੁੂਡੇ ਵੱਲੋਂ ਇਹ ਰੈਂਕਿੰਗ ਜੁਲਾਈ ਦੇ ਐਡੀਸ਼ਨ ਵਿੱਚ ਜਾਰੀ ਕੀਤੀ ਗਈ ਹੈ। ਕਾਲਜ ਦੇ ਪ੍ਰਿੰਸੀਪਲ ਡਾ. ਅਜੈ ਸ਼ਰਮਾ ਨੇ ਇਸ ਦਾ ਸਿਹਰਾ ਕਾਲਜ ਦੇ ਫੈਕਲਟੀ ਮੈਂਬਰਾਂ ਤੇ ਸਟਾਫ ਸਿਰ ਸਜਾਇਆ ਹੈ।

ਪ੍ਰਿੰਸੀਪਲ ਅਜੈ ਸ਼ਰਮਾ ਨੇ ਦੱਸਿਆ ਕਿ ਸ਼ਹਿਰ ਦੀ ਦਰਜਾਬੰਦੀ ਵਿੱਚੋਂ ਐੱਸਡੀ ਕਾਲਜ ਨੇ ਕਾਮਰਸ, ਬੀਸੀਏ, ਬੀਬੀਏ ਅਤੇ ਬੀਐੱਸਸੀ ਸਾਇੰਸ ਵਿੱਚ ਪਹਿਲਾ ਸਥਾਨ ਹਾਸਲ ਕੀਤਾ ਹੈ ਜਦਕਿ ਆਰਟਸ ਵਿੱਚ ਕਾਲਜ ਨੂੰ ਤੀਜਾ ਸਥਾਨ ਮਿਲਿਆ ਹੈ। ਕਾਲਜ ਨੇ ਉੱਤਰੀ ਭਾਰਤ (ਐੱਨਸੀਆਰ ਛੱਡ ਕੇ) ਵਿੱਚੋਂ ਕਾਮਰਸ, ਬੀਸੀਏ, ਬੀਬੀਏ ਤੇ ਬੀਐੱਸਸੀ ਸਾਇੰਸ ਵਿੱਚੋਂ ਵੀ ਪਹਿਲਾ ਸਥਾਨ ਹਾਸਲ ਕੀਤਾ ਹੈ। ਐੱਸਡੀ ਕਾਲਜ ਨੇ ਆਲ ਇੰਡੀਆ ਰੈਂਕਿੰਗ ਵਿੱਚ ਬੀਸੀਏ ਵਿੱਚੋਂ 17ਵਾਂ, ਬੀਬੀਏ ਵਿੱਚ 24ਵਾਂ, ਕਾਮਰਸ ਵਿੱਚੋਂ 25ਵਾਂ, ਵਿਗਿਆਨ ਬੀਐੱਸਸੀ ਵਿੱਚੋਂ ਵੀ 25ਵਾਂ ਤੇ ਆਰਟਸ ਵਿਚੋਂ 39ਵਾਂ ਸਥਾਨ ਹਾਸਲ ਕੀਤਾ ਹੈ। ਉਨ੍ਹਾਂ ਕਾਲਜ ਦੇ ਵਿਦਿਆਰਥੀਆਂ ਤੇ ਕਾਲਜ ਨੂੰ ਇਸ ਮੁਕਾਮ ‘ਤੇ ਲਿਜਾਣ ਵਾਲਿਆਂ ਨੂੰ ਵਧਾਈ ਦਿੱਤੀ।