ਗ੍ਰਾਮ ਪੰਚਾਇਤ ਭਗਤਪੁਰਾ ਦਾ ਆਮ ਇਜਲਾਸ

ਪੱਤਰ ਪ੍ਰੇਰਕ

ਸ਼ਹਿਣਾ, 8 ਜੂਨ

ਪਿੰਡ ਭਗਤਪੁਰਾ ਵਿੱਚ ਸਰਪੰਚ ਅੰਗਰੇਜ ਸਿੰਘ ਦੀ ਅਗਵਾਈ ‘ਚ ਆਮ ਇਜਲਾਸ ਕਰਾਇਆ ਗਿਆ। ਇਸ ਦੌਰਾਨ ਪੰਚਾਇਤ ਵੱਲੋਂ ਪਿੰਡ ਦੇ ਲੋਕਾਂ ਦੀ ਸਹਿਮਤੀ ਨਾਲ ਕੱਚੀਆਂ ਗਲੀਆਂ ਨੂੰ ਪੱਕੀਆਂ ਬਣਾਉਣ ਦੇ ਮਤੇ ਪਾਏ ਗਏ ਤੇ ਇਨ੍ਹਾਂ ‘ਤੇ ਇੰਟਰਲਾਕ ਟਾਈਲਾਂ ਲਾਈਆਂ ਜਾਣਗੀਆਂ। ਗੰਦੇ ਪਾਣੀ ਦੇ ਨਿਕਾਸੀ ਲਈ ਨਾਲਾ ਬਣਾਉਣ ਅਤੇ ਪਾਣੀ ਡਰੇਨ ‘ਚ ਪਾਉਣ ਸਬੰਧੀ ਮਤੇ ਵੀ ਪਾਏ ਗਏ। ਇਸ ਮੌਕੇ ਪੰਚਾਇਤ ਸਕੱਤਰ ਚਰਨਜੀਤ ਸਿੰਘ, ਪੰਚ ਮੱਘਰ ਰਾਮ, ਸਿਮਰਜੀਤ ਸਿੰਘ, ਰਾਜਿੰਦਰ ਸਿੰਘ, ਲਵਪ੍ਰੀਤ ਸਿੰਘ ਮਾਨ, ਦਰਸ਼ਨ ਰਾਮ, ਸੁਖਜੀਤ ਕੌਰ ਆਦਿ ਹਾਜ਼ਰ ਸਨ।