ਮੇਰਠ ਦੇ ਗੈਂਗਸਟਰ ਦਾ ਬੁਲੰਦਸ਼ਹਿਰ ’ਚ ਨਿਕਾਹ

ਮੇਰਠ, 23 ਨਵੰਬਰ
ਮੇਰਠ ਜ਼ਿਲ੍ਹੇ ਤੋਂ ਛੇ ਮਹੀਨਿਆਂ ਲਈ ਕੱਢੇ ਗਏ ਗੈਂਗਸਟਰ ਸਲਮਾਨ ਨੇ ਬੀਤੀ ਰਾਤ ਬੁਲੰਦਸ਼ਹਿਰ ਜ਼ਿਲ੍ਹੇ ਦੇ ਸਿਕੰਦਰਾਬਾਦ ਵਿੱਚ ਨਿਕਾਹ ਕਰਵਾ ਲਿਆ। ਹਾਲਾਂਕਿ, ਨਿਕਾਹ ਤੋਂ ਠੀਕ ਪਹਿਲਾਂ ਪ੍ਰਸ਼ਾਸਨ ਵੱਲੋਂ ਪਾਬੰਦੀ ਲਾਏ ਜਾਣ ਕਾਰਨ ਉਹ 26 ਨਵੰਬਰ ਨੂੰ ਮੇਰਠ ਵਿੱਚ ਹੋਣ ਵਾਲੇ ਆਪਣੇ ‘ਵਲੀਮਾ’ (ਵਿਆਹ ਸਮਾਗਮ) ਵਿੱਚ ਸ਼ਾਮਲ ਨਹੀਂ ਹੋ ਸਕੇਗਾ। ਬੁਲੰਦਸ਼ਹਿਰ ਜ਼ਿਲ੍ਹੇ ਦੇ ਸਿਕੰਦਰਾਬਾਦ ਥਾਣੇ ਦੇ ਇੰਚਾਰਜ ਇੰਸਪੈਕਟਰ ਰਵੀ ਰਤਨ ਸਿੰਘ ਨੇ ਸਲਮਾਨ ਦੇ ਨਿਕਾਹ ਬਾਰੇ ਕੋਈ ਜਾਣਕਾਰੀ ਹੋਣ ਤੋਂ ਇਨਕਾਰ ਕੀਤਾ ਹੈ। ਉਧਰ, ਸਲਮਾਨ ਦੇ ਭਰਾ ਆਮਿਰ ਨੇ ਇਸ ਖ਼ਬਰ ਏਜੰਸੀ ਨੂੰ ਦੱਸਿਆ ਕਿ ਸ਼ੁੱਕਰਵਾਰ ਰਾਤ ਕਰੀਬ 11 ਵਜੇ ਸਲਮਾਨ ਦਾ ਨਿਕਾਹ ਹੋ ਗਿਆ। ਆਮਿਰ ਨੇ ਕਿਹਾ, ‘‘ਵਲੀਮਾ (ਵਿਆਹ ਸਮਾਗਮ) 26 ਨਵੰਬਰ ਨੂੰ ਮੇਰਠ ਦੇ ਕੈਸਲ ਵਿਊ ਮੰਡਪ ਵਿੱਚ ਹੋਵੇਗਾ ਪਰ ਜ਼ਿਲ੍ਹੇ ਵਿੱਚ ਦਾਖ਼ਲ ਹੋਣ ’ਤੇ ਪਾਬੰਦੀ ਕਾਰਨ ਸਲਮਾਨ ਇਸ ਵਿੱਚ ਸ਼ਾਮਲ ਨਹੀਂ ਹੋ ਸਕੇਗਾ।’’ -ਪੀਟੀਆਈ