ਗੈਂਗਸਟਰ ਨੇ ਆਸਲ ਕੇ ਉਤਾੜ ਵਾਸੀ ਤੋਂ 30 ਲੱਖ ਰੁਪਏ ਦੀ ਫ਼ਿਰੌਤੀ ਮੰਗੀ

ਪੱਤਰ ਪ੍ਰੇਰਕ
ਤਰਨ ਤਾਰਨ, 7 ਜਨਵਰੀ
ਇੱਥੋਂ ਦੇ ਵਲਟੋਹਾ ਇਲਾਕੇ ਨਾਲ ਸਬੰਧਤ ਗੈਂਗਸਟਰ ਪ੍ਰਭ ਦਾਸੂਵਾਲ ਨੇ ਆਪਣੇ ਇਲਾਕੇ ਦੇ ਪਿੰਡ ਆਸੜ ਕੇ ਉਤਾੜ ਦੇ ਵਾਸੀ ਰਮਨ ਕੁਮਾਰ ਨੂੰ ਵਟਸਐਪ ਕਾਲ ਕਰਕੇ 30 ਲੱਖ ਰੁਪਏ ਦੀ ਫ਼ਿਰੌਤੀ ਦੀ ਮੰਗ ਕੀਤੀ ਹੈ| ਰਮਨ ਕੁਮਾਰ ਨੇ ਪੁਲੀਸ ਨੂੰ ਦੱਸਿਆ ਕਿ ਪ੍ਰਭ ਨੇ ਆਪਣੇ ਬੰਦਿਆਂ ਨੂੰ ਛੁਡਵਾਉਣ ਲਈ ਫ਼ਿਰੌਤੀ ਮੰਗੀ ਹੈ| ਉਸ ਨੇ ਫ਼ਿਰੌਤੀ ਦੀ ਮੰਗ ਕਰਦਿਆਂ ਨਾਲ ਹੀ ਫੋਨ ਬੰਦ ਕਰ ਦਿੱਤਾ| ਵਲਟੋਹਾ ਥਾਣਾ ਦੇ ਏਐੱਸਆਈ ਅਵਤਾਰ ਸਿੰਘ ਨੇ ਦੱਸਿਆ ਕਿ ਇਸ ਸਬੰਧੀ ਪੁਲੀਸ ਨੇ ਕੇਸ ਦਰਜ ਕਰ ਲਿਆ ਹੈ| ਇਸ ਨਵੇਂ ਸਾਲ ਦੇ ਸੱਤ ਦਿਨਾਂ ਅੰਦਰ ਗੈਂਗਸਟਰਾਂ ਵਲੋਂ ਲੋਕਾਂ ਤੋਂ ਫ਼ਿਰੌਤੀ ਦੀ ਮੰਗ ਕਰਨ ਵਾਲਾ ਇਹ ਚੌਥਾ ਮਾਮਲਾ ਦਰਜ ਕੀਤਾ ਗਿਆ ਹੈ| ਇਨ੍ਹਾਂ ਚਾਰ ਮਾਮਲਿਆਂ ਵਿੱਚ ਪ੍ਰਭ ਦਾਸੂਵਾਲ ਨੇ ਹੀ ਫ਼ਿਰੌਤੀ ਮੰਗੀ ਹੈ|