ਭਗੌੜਾ ਪਿਸਤੌਲ ਸਮੇਤ ਕਾਬੂ

ਪੱਤਰ ਪ੍ਰੇਰਕ
ਸ਼ਾਹਕੋਟ,28 ਅਕਤੂਬਰ
ਇਰਾਦਾ ਕਤਲ ਕੇਸਾਂ ਦੇ ਭਗੌੜੇ ਨੂੰ ਲੋਹੀਆਂ ਖਾਸ ਦੀ ਪੁਲੀਸ ਨੇ ਨਾਜਾਇਜ਼ ਦੇਸੀ ਪਿਸਤੌਲ 32 ਬੋਰ ਅਤੇ 5 ਰੌਂਦਾਂ ਸਮੇਤ ਗ੍ਰਿਫ਼ਤਾਰ ਕੀਤਾ ਹੈ। ਡੀਐੱਸਪੀ ਸ਼ਾਹਕੋਟ ਉਂਕਾਰ ਸਿੰਘ ਬਰਾੜ ਨੇ ਦੱਸਿਆ ਕਿ ਲੋਹੀਆਂ ਖਾਸ ਥਾਣੇ ਦੇ ਸਬ ਇੰਸਪੈਕਟਰ ਪ੍ਰੇਮ ਲਾਲ ਨੇ ਨਾਕੇ ਦੌਰਾਨ 2 ਇਰਾਦਾ ਕਤਲ ਕੇਸਾਂ ’ਦੇ ਭਗੌੜੇ ਸੁਖਦੀਪ ਸਿੰਘ ਉਰਫ ਸੁਖ ਵਾਸੀ ਬਾਦਸ਼ਾਹਪੁਰ ਨੂੰ 32 ਬੋਰ ਦੇ ਨਾਜਾਇਜ਼ ਦੇਸੀ ਪਿਸਤੌਲ ਅਤੇ 5 ਰੌਂਦਾਂ ਸਮੇਤ ਗ੍ਰਿਫਤਾਰ ਕੀਤਾ। ਉਨ੍ਹਾਂ ਦੱਸਿਆ ਕਿ ਗ੍ਰਿਫਤਾਰ ਮੁਲਜ਼ਮ ਉੱਪਰ ਸੁਖਦੇਵ ਸਿੰਘ ਵਾਸੀ ਬਾਦਸ਼ਾਹਪੁਰ ਦੇ ਗੰਭੀਰ ਸੱਟਾਂ ਮਾਰਨ ਅਤੇ ਪਿੰਡ ਪਿੱਪਲੀ ਵਿੱਚ ਚੱਲੇ ਜ਼ਮੀਨੀ ਵਿਵਾਦ ’ਚ ਬਲਵਿੰਦਰ ਸਿੰਘ, ਬਲਜਿੰਦਰ ਸਿੰਘ,ਜਗਜੀਤ ਸਿੰਘ ਅਤੇ ਹੀਰਾ ਸਿੰਘ ਵਾਸੀਆਨ ਪਿੱਪਲੀ ਦੇ ਘਰ ਵਿੱਚ ਵੜਕੇ ਕੀਤੇ ਹਮਲੇ ਕਰਨ ਦੇ ਮੁਕੱਦਮੇ ਦਰਜ ਹਨ ਜਿਨ੍ਹਾਂ ਵਿੱਚ ਮੁਲਜ਼ਮ ਭਗੌੜਾ ਸੀ।