ਕੌਮੀ ਫੈਡਰੇਸ਼ਨ ਕੱਪ 12 ਤੋਂ: ਨੀਰਜ ਚੋਪੜਾ 3 ਸਾਲ ਬਾਅਦ ਘਰੇਲੂ ਮੁਕਾਬਲੇ ’ਚ ਲਏਗਾ ਹਿੱਸਾ

ਨਵੀਂ ਦਿੱਲੀ, 8 ਮਈ
ਓਲੰਪਿਕ ਅਤੇ ਵਿਸ਼ਵ ਚੈਂਪੀਅਨ ਜੈਵਲਿਨ ਥ੍ਰੋਅਰ ਨੀਰਜ ਚੋਪੜਾ ਨੇ ਭੁਵਨੇਸ਼ਵਰ ਵਿਚ 12 ਤੋਂ 15 ਮਈ ਤੱਕ ਹੋਣ ਵਾਲੇ ਕੌਮੀ ਫੈਡਰੇਸ਼ਨ ਕੱਪ ਵਿਚ ਹਿੱਸਾ ਲੈਣ ਦੀ ਪੁਸ਼ਟੀ ਕੀਤੀ ਹੈ ਅਤੇ ਇਸ ਤਰ੍ਹਾਂ ਪਿਛਲੇ ਤਿੰਨ ਸਾਲਾਂ ਵਿਚ ਪਹਿਲਾ ਮੌਕਾ ਹੋਵੇਗਾ, ਜਦੋਂ ਕਿ ਇਹ ਸਟਾਰ ਅਥਲੀਟ ਘਰੇਲੂ ਮੁਕਾਬਲੇ 'ਚ ਹਿੱਸਾ ਲਵੇਗਾ। 26 ਸਾਲਾ ਸਟਾਰ ਖਿਡਾਰੀ ਦੇ ਦੋਹਾ ਵਿੱਚ ਵੱਕਾਰੀ ਡਾਇਮੰਡ ਲੀਗ ਲੜੀ ਦੇ ਪਹਿਲੇ ਪੜਾਅ ਵਿੱਚ 10 ਮਈ ਨੂੰ ਆਪਣਾ ਸੀਜ਼ਨ ਸ਼ੁਰੂ ਕਰਨ ਤੋਂ ਬਾਅਦ ਭਾਰਤ ਆਉਣ ਦੀ ਸੰਭਾਵਨਾ ਹੈ।