ਫਰੈਂਚ ਓਪਨ: ਬੋਪੰਨਾ ਤੇ ਐਬਡਨ ਦੀ ਜੋੜੀ ਸੈਮੀ ਫਾਈਨਲ ’ਚ

ਪੈਰਿਸ:

ਭਾਰਤ ਦੇ ਰੋਹਨ ਬੋਪੰਨਾ ਅਤੇ ਆਸਟਰੇਲੀਆ ਦੇ ਮੈਥਿਊ ਐਬਡਨ ਦੀ ਜੋੜੀ ਨੇ ਬੈਲਜੀਅਮ ਦੇ ਸੈਂਡਰ ਜਿਲੇ ਅਤੇ ਜੋਰਾਨ ਵਲੀਜੇਨ ਨੂੰ ਹਰਾ ਕੇ ਫਰੈਂਚ ਓਪਨ ਪੁਰਸ਼ ਡਬਲਜ਼ ਦੇ ਸੈਮੀ ਫਾਈਨਲ ਵਿੱਚ ਜਗ੍ਹਾ ਬਣਾ ਲਈ ਹੈ। ਦੋਵਾਂ ਨੇ 7-6(3) 5-7 6-1 ਨਾਲ ਜਿੱਤ ਹਾਸਲ ਕੀਤੀ। ਪਹਿਲੇ ਸਖ਼ਤ ਸੈੱਟ ਵਿੱਚ ਬੋਪੰਨਾ-ਐਬਡਨ ਨੇ ਜਿੱਤ ਹਾਸਲ ਕੀਤੀ ਪਰ ਦੂਜੇ ਸੈੱਟ ਵਿੱਚ ਵਿਰੋਧੀ ਟੀਮ ਨੇ ਵਾਪਸੀ ਕੀਤੀ। ਤੀਜਾ ਸੈੱਟ ਪੂਰੀ ਤਰ੍ਹਾਂ ਇਕਪਾਸੜ ਰਿਹਾ ਅਤੇ ਬੋਪੰਨਾ ਤੇ ਐਬਡਨ ਨੇ ਬੈਲਜੀਅਨ ਜੋੜੀ ਨੂੰ ਵਾਪਸੀ ਦਾ ਕੋਈ ਮੌਕਾ ਨਹੀਂ ਦਿੱਤਾ। -ਪੀਟੀਆਈ