ਚੋਰੀ ਦੇ ਦੋਸ਼ ਹੇਠ ਚਾਰ ਗ੍ਰਿਫ਼ਤਾਰ

ਪੱਤਰ ਪ੍ਰੇਰਕ
ਟੋਹਾਣਾ, 17 ਜੁਲਾਈ
ਪੁਲੀਸ ਨੇ ਗੁਰਦੁਆਰਾ ਝਾੜ ਸਾਹਬਿ ਵਿਖੇ ਪੁੂਰਨਮਾਸ਼ੀ ਦੇ ਮੇਲੇ ਦੌਰਾਨ 10 ਔਰਤਾਂ ਦੇ ਗਹਿਣੇ ਚੋਰੀ ਕਰਨ ਦੇ ਮਾਮਲੇ ਵਿੱਚ ਦੋ ਔਰਤਾਂ ਸਮੇਤ ਚਾਰ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਪੁਲੀਸ ਨੇ 5 ਦਨਿ ਦੇ ਪੁਲੀਸ ਰਿਮਾਂਡ ਦੌਰਾਨ ਗਰੋਹ ਦੇ ਕਬਜ਼ੇ ਵਿੱਚੋਂ 4 ਲੱਖ ਦੀ ਕੀਮਤ ਵਾਲੇ ਗਹਿਣੇ ਬਰਾਮਦ ਕੀਤੇ ਹਨ। ਡੀਐੱਸਪੀ ਜਗਦੀਸ਼ ਕਾਜਲਾ ਨੇ ਦੱਸਿਆ ਕਿ ਭੀੜ ਵਿੱਚ ਗਹਿਣੇ ਲੁੱਟਣ ਦੇ ਦੋਸ਼ ਹੇਠ ਪੁਲੀਸ ਨੇ ਪਹਿਲਾਂ ਗਰੋਹ ਦੀਆਂ ਦੋ ਔਰਤ ਮੈਂਬਰਾਂ ਸੀਮਾ ਉਰਫ਼ ਅਨੀਤਾ ਅਤੇ ਬੀਬੀ ਬਾਈ ਵਾਸੀ ਰਾਣੀਆ ਨੂੰ ਗ੍ਰਿਫ਼ਤਾਰ ਕੀਤਾ ਸੀ। ਇਨ੍ਹਾਂ ਦੀ ਨਿਸ਼ਾਨਦੇਹੀ ’ਤੇ ਰਾਜਕੁਮਾਰ ਵਾਸੀ ਸਾਰਾ ਕਲੋਨੀ ਰਾਣੀਆ ਤੇ ਰਵੀ ਵਾਸੀ ਹੈਫੇਡ ਕਲੋਨੀ ਰਾਣੀਆ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ। ਉਨ੍ਹਾਂ ਦੱਸਿਆ ਕਿ ਪੁਲੀਸ ਰਿਮਾਂਡ ਦੌਰਾਨ 4 ਲੱਖ ਤੋਂ ਵੱਧ ਕੀਮਤ ਦੇ ਗਹਿਣੇ ਬਰਾਮਦ ਕੀਤੇ ਹਨ।