ਵਪਾਰੀ ਨੂੰ ਬਲੈਕਮੇਲ ਕਰਨ ਦੇ ਦੋਸ਼ ਹੇਠ ਚਾਰ ਕਾਬੂ

ਪੱਤਰ ਪ੍ਰੇਰਕ
ਟੋਹਾਣਾ, 16 ਨਵੰਬਰ
ਕਸਬਾ ਭੂਨਾ ਦੇ ਵਪਾਰੀ ਸੰਜੈ ਕੁਮਾਰ ਨੂੰ ਵਿਸ਼ਵਾਸ ਵਿੱਚ ਲੈ ਕੇ ਤੇ ਘਰ ਬੁਲਾ ਕੇ ਬੰਦ ਕਮਰੇ ਵਿਚ ਅਸ਼ਲੀਲ ਵੀਡੀਓ ਬਣਾ ਕੇ ਵਪਾਰੀ ਨੂੰ ਬਲੈਕਮੇਲ ਕਰਨ ’ਤੇ ਭੂਨਾ ਪੁਲੀਸ ਵੱਲੋਂ ਵਪਾਰੀ ਦੀ ਸ਼ਿਕਾਇਤ ’ਤੇ ਕੇਸ ਦਰਜ ਕਰ ਲਿਆ ਗਿਆ ਹੈ। ਇਸ ਸਬੰਧ ਤਿੰਨ ਔਰਤਾਂ ਤੇ ਸਾਜ਼ਿਸ਼ ਵਿਚ ਸ਼ਾਮਲ ਇਕ ਪੁਰਸ਼ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਐੱਸਐੱਚਓ ਪ੍ਰਦੀਪ ਕੁਮਾਰ ਨੇ ਦੱਸਿਆ ਕਿ ਵਪਾਰੀ ਸੰਜੈ ਕੁਮਾਰ ਇੱਕ ਜਾਣਕਾਰ ਔਰਤ ਨੇ ਘਰ ਪਾਰਟੀ ਹੋਣ ਦਾ ਲਾਰਾ ਲਾ ਕੇ ਬੀਅਰਾਂ ਲੈ ਕੇ ਬੁਲਾ ਲਿਆ। ਵਪਾਰੀ ਜਦੋਂ ਘਰ ਪੁੱਜਿਆ ਉਥੇ ਦੋ ਔਰਤਾਂ ਤੇ ਇਕ ਵਿਅਕਤੀ ਹੋਰ ਆ ਗਏ। ਇਸ ਦੌਰਾਨ ਉਨ੍ਹਾਂ ਨੇ ਵਪਾਰੀ ਨੂੰ ਕਮਰੇ ਵਿਚ ਲੈ ਜਾ ਕੇ ਅਸ਼ਲੀਲ ਵੀਡੀਓ ਬਣਾ ਕੇ ਪੈਸਿਆਂ ਦੀ ਮੰਗ ਕੀਤੀ। ਵਪਾਰੀ ਦੀਆਂ ਜੇਬਾਂ ਖਾਲੀ ਕਰਕੇ ਪੈਸੇ ਭੇਜਣ ’ਤੇ ਛੱਡ ਦਿੱਤਾ। ਵਪਾਰੀ ਸੰਜੈ ਵੱਲੋਂ ਪੁਲੀਸ ਨੂੰ ਸ਼ਿਕਾਇਤ ਦਰਜ ਕਰਵਾਉਣ ਮਗਰੋਂ ਇਹ ਕਾਰਵਾਈ ਕੀਤੀ ਗਈ।