ਚੋਰੀ ਦੇ ਵਾਹਨਾਂ ਸਮੇਤ ਚਾਰ ਗ੍ਰਿਫ਼ਤਾਰ

ਨਿੱਜੀ ਪੱਤਰ ਪ੍ਰੇਰਕ
ਲੁਧਿਆਣਾ, 24 ਸਤੰਬਰ
ਥਾਣਾ ਡਿਵੀਜ਼ਨ ਨੰਬਰ 2 ਦੀ ਪੁਲੀਸ ਨੇ ਚੋਰੀ ਦੇ ਵਾਹਨਾਂ ਸਮੇਤ ਚਾਰ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ।‌ ਥਾਣੇਦਾਰ ਕੁਲਵੰਤ ਸਿੰਘ ਨੇ ਦੱਸਿਆ ਕਿ ਪੁਲੀਸ ਪਾਰਟੀ ਗਸ਼ਤ ਦੇ ਸਬੰਧ ਵਿੱਚ ਲੇਬਰ ਕਲੋਨੀ ਕੱਟ ਮੌਜੂਦ ਸੀ ਤਾਂ ਰੋਹਿਤ ਕੁਮਾਰ ਵਾਸੀ ਨਿਊ ਵਿਜੇ ਨਗਰ, ਰੋਹਿਤ ਯਾਦਵ ਵਾਸੀ ਢੋਲੇਵਾਲ, ਸੁਮਿਤ ਕੁਮਾਰ ਵਾਸੀ ਸ਼ੰਕਰ ਕਲੋਨੀ ਅਤੇ ਰਾਹੁਲ ਪਾਲ ਵਾਸੀ ਨਿਊ ਪ੍ਰੀਤ ਨਗਰ ਨੂੰ ਚੋਰੀ ਦੇ ਵਾਹਨਾਂ ’ਤੇ ਖੋਹੇ ਮੋਬਾਈਲ ਵੇਚਣ ਲਈ ਚੀਮਾਂ ਚੌਕ ਤੋਂ ਬਾਗ ਸੂਫ਼ੀਆਂ ਚੌਕ ਵੱਲ ਆਉਂਦਿਆਂ ਕਾਬੂ ਕਰਕੇ ਉਨ੍ਹਾਂ ਪਾਸੋਂ ਇੱਕ ਮੋਟਰਸਾਈਕਲ, ਇੱਕ ਐਕਟਿਵਾ ਅਤੇ 2 ਲੋਹੇ ਦੇ ਦਾਤ ਬਰਾਮਦ ਕੀਤੇ ਹਨ।