ਪਿੰਡ ਦੇ ਸਰਵਪੱਖੀ ਵਿਕਾਸ ਲਈ ਸਾਬਕਾ ਸਰਪੰਚ ਦਾ ਸਨਮਾਨ

ਮਾਛੀਵਾੜਾ:

ਨੇੜਲੇ ਪਿੰਡ ਪੂਨੀਆਂ ਵਿੱਚ ਨਵੀਂ ਚੁਣੀ ਗਈ ਪੰਚਾਇਤ ਨੇ ਗੁਰੂ ਘਰ ਜਾ ਕੇ ਅਕਾਲ ਪੁਰਖ ਦਾ ਸ਼ੁਕਰਾਨਾ ਕੀਤਾ। ਇਸ ਮੌਕੇ ਯੁਵਕ ਸੇਵਾਵਾਂ ਕਲੱਬ ਅਤੇ ਬਾਬਾ ਸ਼ਹੀਦ ਸਿੰਘ ਸਪੋਰਟਸ ਕਲੱਬ ਵਲੋਂ ਨਵੇਂ ਚੁਣੇ ਗਏ ਸਰਪੰਚ ਸਰਪੰਚ ਬਲਜਿੰਦਰ ਸਿੰਘ ਨਿੱਕਾ, ਜਗਪਾਲ ਸਿੰਘ ਜੱਗੀ ਪੰਚ, ਗੁਰਤੇਜਪਾਲ ਸਿੰਘ ਤੇਜ਼ੀ ਪੰਚ, ਪਰਮਿੰਦਰ ਸਿੰਘ ਪਿੰਦਾ, ਜਗਦੀਪ ਸਿੰਘ, ਸੁਖਵਿੰਦਰ ਸਿੰਘ ਸੁੱਖੀ, ਮਨਜੀਤ ਸਿੰਘ, ਪਰਦੀਪ ਸਿੰਘ ਯੂਐੱਸਏ, ਦੇਵੀ ਦਿਆਲ, ਪਰਮਜੀਤ ਸਿੰਘ ਪਰਮੀ, ਹਰਕਰਨ ਸਿੰਘ, ਨਵਜੋਤ ਸਿੰਘ, ਰਾਜੂ ਕੋਟੀਆਂ ਦਾ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਸਰਵਪੱਖੀ ਵਿਕਾਸ ਕਰਵਾਉਣ ਲਈ ਸਾਬਕਾ ਸਰਪੰਚ ਬਹਾਦਰ ਸਿੰਘ ਦਾ ਇਲੈਕਟ੍ਰਾਨਿਕ ਸਕੂਟਰ ਦੇ ਕੇ ਸਨਮਾਨ ਕੀਤਾ ਗਿਆ। ਨਵੀਂ ਚੁਣੀ ਪੰਚਾਇਤ ਨੇ ਅਕਾਲ ਪੁਰਖ ਅੱਗੇ ਅਰਦਾਸ ਕੀਤੀ ਕਿ ਉਹ ਪਿੰਡ ਦੇ ਭਲੇ ਲਈ ਇੱਕਜੁੱਟ ਹੋ ਕੇ ਕੰਮ ਕਰਨਗੇ ਤੇ ਵਿਕਾਸ ਕਰਵਾਉਣਗੇ। -ਪੱਤਰ ਪ੍ਰੇਰਕ