ਪਾਕਿਸਤਾਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਨਵਾਜ਼ ਸ਼ਰੀਫ਼ ਪਰਿਵਾਰ ਸਣੇ ਚੀਨ ਦੇ 5 ਦਿਨਾਂ ਨਿੱਜੀ ਦੌਰੇ ’ਤੇ ਗਏ

ਲਾਹੌਰ, 23 ਅਪਰੈਲ
ਪਾਕਿਸਤਾਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਨਵਾਜ਼ ਸ਼ਰੀਫ ਦੇਰ ਰਾਤ ਪੰਜ ਦਿਨਾਂ ‘ਨਿੱਜੀ ਦੌਰੇ’ ’ਤੇ ਚੀਨ ਲਈ ਰਵਾਨਾ ਹੋ ਗਏ। ਸ਼ਰੀਫ ਪਰਿਵਾਰ ਇਸ ਬਾਰੇ ਜਨਤਕ ਤੌਰ 'ਤੇ ਜ਼ਿਆਦਾ ਜਾਣਕਾਰੀ ਦੇਣ ਤੋਂ ਬਚ ਰਿਹਾ ਹੈ। ਪਾਕਿਸਤਾਨ ਮੁਸਲਿਮ ਲੀਗ-ਨਵਾਜ਼ (ਪੀਐੱਮਐੱਲ-ਐੱਨ) ਨੇ ਕਿਹਾ ਕਿ ਉਸ ਦੇ ਸਰਵਉੱਚ ਨੇਤਾ ਆਪਣੇ ਪੋਤੇ ਜੁਨੈਦ ਸਫ਼ਦਰ ਅਤੇ ਨਿੱਜੀ ਸਟਾਫ ਦੇ ਨਾਲ ਲਾਹੌਰ ਹਵਾਈ ਅੱਡੇ ਤੋਂ 'ਚਾਈਨਾ ਦੱਖਣੀ ਏਅਰਲਾਈਨਜ਼' ਦੀ ਉਡਾਣ 'ਚ ਨਿੱਜੀ ਦੌਰੇ 'ਤੇ ਚੀਨ ਲਈ ਰਵਾਨਾ ਹੋਏ।