ਆਜ਼ਾਦ ਸਪੋਰਟਸ ਕਲੱਬ ਵੱਲੋਂ ਫੁਟਬਾਲ ਟੂਰਨਾਮੈਂਟ

ਸ਼ਾਹਕੋਟ: ਤਹਿਸੀਲ ਕੰਪਲੈਕਸ ਦੇ ਖੇਡ ਮੈਦਾਨ ਵਿੱਚ ਆਜ਼ਾਦ ਸਪੋਰਟਸ ਕਲੱਬ ਸ਼ਾਹਕੋਟ ਵੱਲੋਂ ਫੁੱਟਬਾਲ ਖਿਡਾਰੀ ਮੰਗਤ ਰਾਏ ਮੰਗੀ ਦੀ ਯਾਦ ਵਿਚ ਕਰਵਾਏ ਜਾ ਰਹੇ ਚਾਰ ਰੋਜ਼ਾ ਫੁੱਟਬਾਲ ਟੂਰਨਾਮੈਂਟ ਦੇ ਤੀਜੇ ਦਿਨ ਓਪਨ ਤੇ 52 ਕਿਲੋ ਭਾਰ ਵਰਗ ਦੇ ਬੇਹੱਦ ਦਿਲਚਸਪ ਮੁਕਾਬਲੇ ਹੋਏ। ਸ਼ਾਹਕੋਟ ਨੇ ਕੰਨੀਆਂ ਕਲਾਂ ਨੂੰ, ਧਰਾਂਵਾਲਾ ਨੇ ਮਹਿਤਪੁਰ, ਸੰਗੋਵਾਲ ਨੇ ਸਾਰੰਗਵਾਲ, ਨੰਗਲ ਅੰਬੀਆਂ ਨੇ ਤਲਵੰਡੀ ਬੂਟੀਆਂ, ਹੁਸੈਨਾਬਾਦ ਨੇ ਝੰਡੂਕੇ ਤੇ ਝੰਡੂਕੇ ਨੇ ਢੇਰੀਆਂ ਨੂੰ ਹਰਾਇਆ। ਓਪਨ ਮੁਕਾਬਲਿਆਂ ’ਚ ਸ਼ੰਕਰ ਨੇ ਸ਼ਾਹਕੋਟ ਨੂੰ ਅਤੇ ਤਰਨਤਾਰਨ ਨੇ ਹੁਸੈਨਾਬਾਦ ਨੂੰ ਹਰਾਇਆ। ਇਸ ਮੌਕੇ ਕਲੱਬ ਦੇ ਸਰਪ੍ਰਸਤ ਤੇ ਮਾਰਕਿਟ ਕਮੇਟੀ ਮਹਿਤਪੁਰ ਦੇ ਚੇਅਰਮੈਨ ਬਲਕਾਰ ਸਿੰਘ ਚੱਠਾ, ਪ੍ਰਧਾਨ ਬੂਟਾ ਸਿੰਘ ਕਲਸੀ, ਵਿੱਤ ਸਕੱਤਰ ਬਖ਼ਸ਼ੀਸ ਸਿੰਘ ਝੀਤਾ, ਤਰਲੋਚਨ ਸਿੰਘ ਕਲਸੀ, ਦਰਸ਼ਨ ਸਿੰਘ ਕੰਨੀਆਂ, ਏਐੱਸਆਈ ਮੰਗਤ ਰਾਏ ਤੇ ਸਵਰਨ ਸਿੰਘ ਝੀਤਾ ਹਾਜ਼ਰ ਸਨ। -ਪੱਤਰ ਪ੍ਰੇਰਕ