ਫੁਟਬਾਲ: ਅੰਡਰ-23 ਕੈਂਪ ਲਈ ਸੰਭਾਵੀ ਖਿਡਾਰੀਆਂ ਦਾ ਐਲਾਨ

ਨਵੀਂ ਦਿੱਲੀ: ਆਲ ਇੰਡੀਆ ਫੁਟਬਾਲ ਫੈਡਰੇਸ਼ਨ ਨੇ ਮਲੇਸ਼ੀਆ ਖ਼ਿਲਾਫ਼ 22 ਅਤੇ 25 ਮਾਰਚ ਨੂੰ ਕੁਆਲਾਲੰਪੁਰ ’ਚ ਖੇਡੇ ਜਾਣ ਵਾਲੇ ਦੋ ਦੋਸਤਾਨਾ ਮੈਚਾਂ ਤੋਂ ਪਹਿਲਾਂ ਅੰਡਰ-23 ਕੈਂਪ ਲਈ 26 ਸੰਭਾਵੀ ਖਿਡਾਰੀਆਂ ਦਾ ਐਲਾਨ ਕੀਤਾ ਹੈ। ਕੈਂਲ ਭਲਕੇ 15 ਮਾਰਚ ਤੋਂ ਦਿੱਲੀ ’ਚ ਸ਼ੁਰੂ ਹੋਵੇਗਾ ਅਤੇ 20 ਮਾਰਚ ਨੂੰ ਮਲੇਸ਼ੀਆ ਜਾਣ ਵਾਲੀ 23 ਮੈਂਬਰੀ ਟੀਮ ਇਨ੍ਹਾਂ ਖਿਡਾਰੀਆਂ ’ਚੋਂ ਹੀ ਚੁਣੀ ਜਾਵੇਗੀ। ਭਾਰਤ ਦੇ ਸਾਬਕਾ ਕੌਮਾਂਤਰੀ ਖਿਡਾਰੀ ਤੇ ਨਾਰਥ-ਈਸਟ ਯੂਨਾਈਟਿਡ ਐੱਫਸੀ ਦੇ ਸਹਾਇਕ ਕੋਚ ਨੌਸ਼ਾਦ ਮੂਸਾ ਨੂੰ ਮੁੱਖ ਕੋਚ ਬਣਾਇਆ ਗਿਆ ਹੈ। ਨੋਇਲ ਵਿਲਸਨ ਸਹਾਇਕ ਕੋਚ ਅਤੇ ਦੀਪਾਂਕਰ ਚੌਧਰੀ ਗੋਲਕੀਪਿੰਗ ਕੋਚ ਹੋਣਗੇ। -ਪੀਟੀਆਈ