ਘਰ ’ਚੋਂ ਪੰਜ ਤੋਲੇ ਸੋਨਾ ਤੇ ਨਕਦੀ ਚੋਰੀ

ਪੱਤਰ ਪ੍ਰੇਰਕ
ਲਹਿਰਾਗਾਗਾ, 12 ਅਗਸਤ
ਪਿੰਡ ਸੰਗਤੀਵਾਲਾ ਵਿੱਚ ਇੱਕ ਘਰ ’ਚੋਂ ਨਕਦੀ, ਸੋਨਾ ਤੇ ਚਾਂਦੀ ਦੇ ਗਹਿਣੇ ਚੋਰੀ ਹੋ ਗਏ। ਇਸ ਬਾਰੇ ਐੱਸਐੱਚਓ ਇੰਸਪੈਕਟਰ ਰਣਬੀਰ ਸਿੰਘ ਨੇ ਦੱਸਿਆ ਕਿ ਕੁਲਵਿੰਦਰ ਸਿੰਘ ਪੁੱਤਰ ਗੁਰਤੇਜ ਸਿੰਘ ਨੇ ਸ਼ਿਕਾਇਤ ਦਰਜ ਕਰਵਾਈ ਕਿ ਉਹ ਅਤੇ ਉਸ ਦਾ ਪਰਿਵਾਰ 9 ਅਗਸਤ ਰਾਤ ਨੂੰ ਆਪਣੇ ਘਰ ਵਿੱਚ ਸੁੱਤਾ ਪਿਆ ਸੀ। ਇਸ ਦੌਰਾਨ ਕਰੀਬ 3 ਵਜੇ ਉਸ ਦੀ ਮਾਸੀ ਚਰਨਜੀਤ ਕੌਰ ਪਾਣੀ ਪੀਣ ਲਈ ਉੱਠੀ ਤਾਂ ਉਸ ਨੇ ਦੇਖਿਆ ਕਿ ਸਾਰੇ ਕਮਰਿਆਂ ਦਾ ਬਾਹਰੋਂ ਕੁੰਡਾ ਲਗਾਇਆ ਹੋਇਆ ਹੈ। ਇਸ ਮਗਰੋਂ ਉਸ ਨੇ ਕੁਲਵਿੰਦਰ ਸਿੰਘ ਤੇ ਸਾਰੇ ਪਰਿਵਾਰ ਨੂੰ ਜਗਾਇਆ ਤਾਂ ਪਤਾ ਲੱਗਾ ਕਿ ਕਮਰੇ ਵਿੱਚ ਪੇਟੀ ਅਤੇ ਅਲਮਾਰੀ ਦੇ ਜਿੰਦਰੇ ਟੁੱਟੇ ਪਏ ਸਨ। ਜਦੋਂ ਪੇਟੀ ਤੇ ਅਲਮਾਰੀ ’ਚ ਦੇਖਿਆ ਤਾਂ ਲਗਪਗ 5 ਤੋਲੇ ਸੋਨਾ, ਚਾਂਦੀ ਦੇ ਗਹਿਣੇ ਅਤੇ 44000 ਰੁਪਏ ਨਕਦੀ ਗਾਇਬ ਸੀ।