ਪੰਜ ਮੈਂਬਰੀ ਲੁਟੇਰਾ ਗਰੋਹ ਕਾਬੂ

ਪੱਤਰ ਪ੍ਰੇਰਕ
ਮਾਨਸਾ, 14 ਜੂਨ
ਮਾਨਸਾ ਪੁਲੀਸ ਨੇ 5 ਮੈਂਬਰੀ ਲੁਟੇਰਾ ਗਰੋਹ ਨੂੰ ਕਾਬੂ ਕਰ ਕੇ ਉਨ੍ਹਾਂ ਪਾਸੋਂ ਇੱਕ ਰਾਈਫਲ, ਬਾਰਾਂ ਬੋਰ ਸਮੇਤ 3 ਕਾਰਤੂਸ, 1 ਟੁਆਏ ਏਅਰ ਪਿਸਟਲ, 1 ਗਰਾਰੀ ਫਿੱਟ ਪਾਈਪ ਲੋਹਾ, 1 ਖੰਡਾ ਸਟੀਲ, 1 ਕਿਰਪਾਨ ਲੋਹਾ, 2 ਕਿਲੋਗ੍ਰਾਮ ਭੁੱਕੀ ਚੂਰਾ ਪੋਸਤ ਸਮੇਤ ਮੋਟਰਸਾਈਕਲ ਤੇ ਆਈ-20 ਕਾਰ ਬਰਾਮਦ ਕਰਨ ਦਾ ਦਾਅਵਾ ਕੀਤਾ ਹੈ। ਸੀਨੀਅਰ ਕਪਤਾਨ ਪੁਲੀਸ ਡਾ. ਨਾਨਕ ਸਿੰਘ ਦੱਸਿਆ ਕਿ ਇਹ ਗਰੋਹ ਪਿੰਡ ਮੋਡਾ ਦੇ ਸ਼ਮਸਾਨਘਾਟ ਨੇੜੇ ਬੈਠ ਕੇ ਲੁੱਟ ਖੋਹ ਜਾਂ ਕਿਸੇ ਵੱਡੀ ਵਾਰਦਾਤ ਕਰਨ ਦੀ ਤਿਆਰੀ ਕਰ ਰਿਹਾ ਸੀ। ਮੁਲਜ਼ਮਾਂ ਦੀ ਪਛਾਣ ਗਗਨਦੀਪ ਸਿੰਘ ਵਾਸੀ ਪਿੰਡ ਮੋਢਾ, ਹਰਸ਼ਦੀਪ ਸਿੰਘ ਵਾਸੀ ਡੱਬਵਾਲੀ, ਕਰਮਜੀਤ ਸਿੰਘ ਉਰਫ ਗੱਗੀ ਵਾਸੀ ਮਾਨਸਾ, ਬਲਕਰਨ ਸਿੰਘ ਵਾਸੀ ਪਿੰਡ ਬਰਨ, ਸੰਦੀਪ ਸਿੰਘ ਵਾਸੀ ਸੀਂਗੋ ਵਜੋਂ ਹੋਈ ਹੈ। ਉਨ੍ਹਾਂ ਦੱਸਿਆ ਕਿ ਮੁਲਜ਼ਮਾਂ ਨੂੰ ਅਦਾਲਤ ਵਿੱਚ ਪੇਸ਼ ਕਰ ਕੇ ਰਿਮਾਂਡ ਹਾਸਲ ਕਰ ਕੇ ਪੁੱਛ-ਪੜਤਾਲ ਕੀਤੀ ਜਾਵੇਗੀ।­