ਸਿਰਸਾ ’ਚ ਬੱਚੀ ਸਮੇਤ ਪੰਜ ਦੀ ਕਰੋਨਾ ਰਿਪੋਰਟ ਪਾਜ਼ੇਟਿਵ

ਨਿਜੀ ਪੱਤਰ ਪ੍ਰੇਰਕ
ਸਿਰਸਾ, 27 ਜੁਲਾਈ

ਜ਼ਿਲ੍ਹਾ ਸਿਰਸਾ ’ਚ ਇਕ ਬੱਚੀ ਸਮੇਤ ਪੰਜ ਨਵੇਂ ਕਰੋਨਾ ਪਾਜ਼ੇਟਿਵ ਕੇਸ ਮਿਲੇ ਹਨ। ਸਿਰਸਾ ’ਚ ਕਰੋਨਾ ਪਾਜ਼ੇਟਿਵ ਦਾ ਅੰਕੜਾ 327 ’ਤੇ ਪੁੱਜ ਗਿਆ ਹੈ। ਅੱਜ ਛੇ ਕਰੋਨਾ ਪਾਜ਼ੇਟਿਵ ਮਰੀਜ਼ ਠੀਕ ਹੋਏ ਹਨ, ਜਨਿ੍ਹਾਂ ਨੂੰ ਹਸਪਤਾਲ ਤੋਂ ਛੁੱਟੀ ਦਿੱਤੀ ਗਈ ਹੈ। ਸਿਵਲ ਸਰਜਨ ਡਾ. ਸੁਰਿੰਦਰ ਨੈਨ ਨੇ ਕਰੋਨਾ ਪਾਜ਼ੇਟਿਵ ਕੇਸਾਂ ਦੀ ਪੁਸ਼ਟੀ ਕਰਦਿਆਂ ਦੱਸਿਆ ਕਿ ਇਕ ਬੱਚੀ ਸਮੇਤ ਪੰਜ ਸੱਜਰੇ ਕਰੋਨਾ ਕੇਸ ਆਏ ਹਨ, ਮਰੀਜ਼ਾਂ ਨੂੰ ਨਾਗਰਿਕ ਹਸਪਤਾਲ ਦੇ ਆਈਸੋਲੇਸ਼ਨ ਵਾਰਡ ’ਚ ਦਾਖ਼ਲ ਕੀਤਾ ਗਿਆ ਹੈ। ਸੱਜਰੇ ਮਿਲੇ ਕਰੋਨਾ ਪਾਜ਼ੇਟਿਵ ਕੇਸਾਂ ਵਿੱਚ ਇਕ ਰਾਣੀਆਂ, ਇਕ ਬੇਗੂ ਰੋਡ ਤੇ ਤਿੰਨ ਐਫ ਬਲਾਕ ਦੇ ਵਾਸੀ ਹਨ। ਸਿਰਸਾ ’ਚ ਹੁਣ ਤੱਕ 216 ਕਰੋਨਾ ਪਾਜ਼ੇਟਿਵ ਮਰੀਜ਼ ਠੀਕ ਹੋ ਚੁੱਕੇ ਹਨ ਜਦੋਂਕਿ 109 ਹਾਲੇ ਸਰਗਰਮ ਹਨ।