ਕ੍ਰੈਡਿਟ ਕਾਰਡ ਦਾ ਝਾਂਸਾ ਦੇ ਕੇ ਸਾਢੇ ਪੰਜ ਲੱਖ ਠੱਗੇ

ਨਿੱਜੀ ਪੱਤਰ ਪ੍ਰੇਰਕ
ਲੁਧਿਆਣਾ, 7 ਜੂਨ
ਥਾਣਾ ਹੈਬੋਵਾਲ ਦੀ ਪੁਲੀਸ ਨੇ ਮਹਾਰਾਸ਼ਟਰ ਦੇ ਦੋ ਲੋਕਾਂ ਖ਼ਿਲਾਫ਼ ਧੋਖਾਧੜੀ ਦਾ ਕੇਸ ਦਰਜ ਕੀਤਾ ਹੈ। ਉਨ੍ਹਾਂ ਨੇ ਇੱਕ ਵਿਅਕਤੀ ਨੂੰ ਕ੍ਰੈਡਿਟ ਕਾਰਡ ਬਣਾਉਣ ਦਾ ਝਾਂਸਾ ਦੇ ਕੇ ਠੱਗੀ ਮਾਰੀ ਹੈ। ਇਸ ਸਬੰਧੀ ਪਿੰਡ ਚੂਹੜਪੁਰ ਹੈਬੋਵਾਲ ਵਾਸੀ ਸੁਖਵਿੰਦਰ ਸਿੰਘ ਨੇ ਦੱਸਿਆ ਕਿ ਰਾਜ ਕੁਮਾਰ ਪਾਠਕ ਵਾਸੀ ਕ੍ਰਿਸ਼ਨਾ ਕਾਂਤ ਮਹਾਰਾਸ਼ਟਰ ਅਤੇ ਧੀਰਜ ਸਿਓ ਬਨਵਾਰੀ ਵਾਸੀ ਸੈਧਾਮ ਨਗਰ ਕਾਂਦੀਵਲੀ ਪੱਛਮੀ, ਮੁੰਬਈ ਨੇ ਉਸ ਨੂੰ ਪੰਜਾਬ ਨੈਸ਼ਨਲ ਬੈਂਕ ਦਾ ਕ੍ਰੈਡਿਟ ਕਾਰਡ ਬਣਾ ਕੇ ਦੇਣ ਦਾ ਝਾਂਸਾ ਦੇ ਕੇ ਉਸ ਦੇ ਬੈਂਕ ਖਾਤੇ ਦਾ ਜਾਅਲੀ ਏਟੀਐਮ ਬਣਾ ਕੇ ਉਸ ਕਾਰਡ ਰਾਹੀਂ 10 ਹਜ਼ਾਰ ਰੁਪਏ ਤੇ 5 ਲੱਖ 50 ਹਜ਼ਾਰ ਰੁਪਏ ਆਨਲਾਈਨ ਟਰਾਂਸਫਰ ਕਰਵਾ ਕੇ ਉਸ ਨਾਲ ਧੋਖਾ-ਧੜੀ ਕੀਤੀ ਹੈ।