ਅੱਗ ਲੱਗਣ ਕਾਰਨ ਪੰਜ ਏਕੜ ਨਾੜ ਸੜਿਆ

ਰਣਜੀਤ ਸਿੰਘ ਸ਼ੀਤਲ
ਦਿੜ੍ਹਬਾ ਮੰਡੀ, 24 ਅਪਰੈਲ
ਦਿੜ੍ਹਬਾ ਨੇੜੇ ਕੌਹਰੀਆਂ ਰੋਡ ’ਤੇ ਖੇਤ ਵਿੱਚ ਅੱਗ ਲੱਗਣ ਕਾਰਨ ਪੰਜ ਏਕੜ ਦੇ ਕਰੀਬ ਕਣਕ ਦਾ ਨਾੜ ਸੜ ਗਿਆ। ਅੱਗ ਲੱਗਣ ਦਾ ਕਾਰਨ ਕਿਸਾਨਾਂ ਵੱਲੋਂ ਬਿਜਲੀ ਤੀਆਂ ਤਾਰਾਂ ਸਪਾਰਕ ਹੋਣਾ ਦੱਸਿਆ ਗਿਆ ਹੈ। ਕਿਸਾਨਾਂ ਨੇ ਦੱਸਿਆ ਕਿ ਖੇਤਾਂ ਵਿੱਚ ਵਾਢੀ ਦੌਰਾਨ ਅਚਾਨਕ ਹੀ ਨਾੜ ਨੂੰ ਅੱਗ ਲੱਗ ਗਈ, ਜੋ ਥੋੜੇ ਸਮੇਂ ਵਿੱਚ ਹੀ ਭਿਆਨਕ ਅੱਗ ਦਾ ਰੂਪ ਧਾਰ ਗਈ, ਜਿਸ ਨਾਲ ਕਰੀਬ ਡੇਢ ਏਕੜ ਨਾੜ ਸੜ ਗਿਆ। ਨੇੜਲੇ ਖੇਤਾਂ ਵਿੱਚ ਕੰਮ ਕਰਦੇ ਕਾਮਿਆਂ ਨੇ ਕਾਫੀ ਜੱਦੋ-ਜਹਿਦ ਨਾਲ ਅੱਗ ’ਤੇ ਕਾਬੂ ਪਾ ਕੇ ਨੇੜੇ ਖੜ੍ਹੀਆਂ ਕਣਕਾਂ ਦਾ ਭਾਰੀ ਨੁਕਸਾਨ ਹੋਣ ਤੋਂ ਬਚਾ ਲਿਆ ਹੈ। ਕਿਸਾਨਾਂ ਨੇ ਦੱਸਿਆ ਕਿ ਹਨੇਰੀ ਆਉਣ ਨਾਲ ਕਣਕ ਦਾ ਫੂਸ ਖੇਤਾਂ ਨੇੜਿਓਂ ਲੰਘਦੀਆਂ ਤਾਰਾਂ ’ਤੇ ਡਿੱਗ ਗਿਆ, ਜਿਸ ਨਾਲ ਤਾਰਾਂ ਸਪਾਰਕ ਕਰ ਗਈਆਂ ਅਤੇ ਅੱਗ ਲੱਗ ਗਈ।