ਅੰਮ੍ਰਿਤਸਰ ਆ ਰਹੀ ਜਨਨਾਇਕ ਐਕਸਪ੍ਰੈੱਸ ’ਚ ਗੋਲੀਬਾਰੀ, ਇਕ ਜ਼ਖ਼ਮੀ

ਸਮਸਤੀਪੁਰ (ਬਿਹਾਰ): ਬਿਹਾਰ ਦੇ ਸਮਸਤੀਪੁਰ ਜ਼ਿਲ੍ਹੇ ਵਿੱਚ ਅੱਜ ਜਨਨਾਇਕ ਐਕਸਪ੍ਰੈਸ ਵਿੱਚ ਸਫ਼ਰ ਕਰ ਰਹੇ ਵਿਅਕਤੀ ਨੂੰ ਅਣਪਛਾਤੇ ਨੇ ਗੋਲੀ ਮਾਰ ਦਿੱਤੀ। ਪੀੜਤ ਦੀ ਲੱਤ ‘ਤੇ ਗੋਲੀ ਲੱਗੀ ਹੈ। ਏਐੱਸਪੀ ਸੰਜੈ ਕੁਮਾਰ ਪਾਂਡੇ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਦੱਸਿਆ ਕਿ ਗੋਲੀਬਾਰੀ ਦੀ ਘਟਨਾ ‘ਚ ਮੋਹਨ ਨਾਮਕ ਯਾਤਰੀ ਜ਼ਖ਼ਮੀ ਹੋ ਗਿਆ। ਜ਼ਖ਼ਮੀ ਨੂੰ ਇਲਾਜ ਲਈ ਹਸਪਤਾਲ ਲਿਆਂਦਾ ਗਿਆ। ਇਹ ਘਟਨਾ ਮੁਜ਼ੱਫਰਪੁਰ ਰੇਲਵੇ ਸੈਕਸ਼ਨ ਦੇ ਨੇੜੇ ਸਮਸਤੀਪੁਰ ਦੇ ਕਰਪੂਰੀ ਪਿੰਡ ਦੇ ਕੋਲ ਜਨਨਾਇਕ ਐਕਸਪ੍ਰੈਸ ‘ਤੇ ਵਾਪਰੀ। ਟਰੇਨ ਦਰਭੰਗਾ ਤੋਂ ਅੰਮ੍ਰਿਤਸਰ ਜਾ ਰਹੀ ਸੀ। ਪੁਲੀਸ ਮੁਤਾਬਕ ਦੋ ਵਿਅਕਤੀਆਂ ਦੇ ਹਥਿਆਰਾਂ ਨਾਲ ਰੇਲਗੱਡੀ ਤੋਂ ਉਤਰਨ ਦੀ ਸੂਚਨਾ ਮਿਲੀ ਸੀ। -ਪੀਟੀਆਈ