ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ 30 ਜੁਲਾਈ ਨੂੰ ਲੋਕ ਸਭਾ ਵਿੱਚ ਬਜਟ ਬਹਿਸ ਦਾ ਜਵਾਬ ਦੇਣਗੇ

ਟ੍ਰਿਬਿਊਨ ਨਿਊਜ਼ ਸਰਵਿਸ

ਨਵੀਂ ਦਿੱਲੀ, 24 ਜੁਲਾਈ

ਲੋਕ ਸਭਾ ’ਚ ਕੇਂਦਰੀ ਬਜਟ ’ਤੇ ਚਰਚਾ ਸ਼ੁਰੂ ਹੋਣ ’ਤੇ ਹਿਸਾਰ ਤੋਂ ਲੋਕ ਸਭਾ ਮੈਂਬਰ ਕੁਮਾਰੀ ਸ਼ੈਲਜਾ ਵਿਰੋਧੀ ਧਿਰ ਦੇ ਮੁੱਖ ਸਪੀਕਰ ਹੋਣਗੇ।
ਸ਼ਸ਼ੀ ਥਰੂਰ ਅਤੇ ਪਰਿਣੀਤੀ ਸ਼ਿੰਦੇ ਕਾਂਗਰਸ ਦੇ ਹੋਰ ਬੁਲਾਰੇ ਹੋਣਗੇ। ਅਨੁਰਾਗ ਠਾਕੁਰ, ਨਿਸ਼ੀਕਾਂਤ ਦੂਬੇ ਅਤੇ ਬਿਪਲਬ ਦੇਬ ਭਾਜਪਾ ਵੱਲੋਂ ਮੁੱਖ ਬੁਲਾਰੇ ਹੋਣਗੇ। ਇਸ ਦੌਰਾਨ ਪਤਾ ਲੱਗਾ ਹੈ ਕਿ ਕੇਂਦਰੀ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ 30 ਜੁਲਾਈ ਨੂੰ ਬਜਟ ਚਰਚਾਵਾਂ ਅਤੇ 7 ਅਗਸਤ ਨੂੰ ਵਿੱਤ ਬਿੱਲ 2024 ਦਾ ਜਵਾਬ ਦੇਣਗੇ। ਇਹ ਪਤਾ ਲੱਗਾ ਹੈ ਕਿ ਲੋਕ ਸਭਾ ਦੀ ਕਾਰੋਬਾਰੀ ਸਲਾਹਕਾਰ ਕਮੇਟੀ ਨੇ ਬਜਟ 'ਤੇ ਵਿਸਤ੍ਰਿਤ ਬਹਿਸ ਲਈ ਪੰਜ ਮੰਤਰਾਲਿਆਂ ਦੀ ਚੋਣ ਕੀਤੀ ਹੈ ਜਿਨ੍ਹਾਂ ’ਚ ਰੇਲਵੇ, ਸਿਹਤ, ਸਿੱਖਿਆ, ਐਮਐਸਐਮਈ/ਫੂਡ ਪ੍ਰੋਸੈਸਿੰਗ ਅਤੇ ਊਰਜਾ ਸ਼ਾਮਲ ਹਨ। ਬਾਕੀ ਸਾਰੇ ਮੰਤਰਾਲਿਆਂ ਦੀਆਂ ਗ੍ਰਾਂਟਾਂ ਸਬੰਧੀ ਮੰਗਾਂ ਜਿਨ੍ਹਾਂ ’ਤੇ ਸਦਨ 'ਚ ਚਰਚਾ ਨਹੀਂ ਹੋਈ, ਉਨ੍ਹਾਂ 'ਤੇ 5 ਅਗਸਤ ਨੂੰ ਵਿਚਾਰ ਕੀਤਾ ਜਾਵੇਗਾ।