ਹਰਜਿੰਦਰ ਸਿੰਘ ਬੱਲ ਨੂੰ ਅੰਤਿਮ ਵਿਦਾਇਗੀ

ਜਲੰਧਰ: ਗ਼ਜ਼ਲਗੋ ਤੇ ਗੀਤਕਾਰ ਹਰਜਿੰਦਰ ਸਿੰਘ ਬੱਲ ਨੂੰ ਅੱਜ ਲੱਧੇਵਾਲੀ ਦੇ ਸ਼ਮਸ਼ਾਨਘਾਟ ਵਿੱਚ ਸੇਜਲ ਅੱਖਾਂ ਨਾਲ ਅੰਤਿਮ ਵਿਦਾਇਗੀ ਦਿੱਤੀ ਗਈ। ਪੰਜਾਬੀ ਗਾਇਕ ਫਿਰੋਜ਼ਖਾਨ ਨੇ ਹਰਜਿੰਦਰ ਸਿੰਘ ਬੱਲ ਦੀ ਚਿਖਾ ਨੂੰ ਅਗਨੀ ਦਿਖਾਈ। ਕੇਂਦਰੀ ਪੰਜਾਬੀ ਲੇਖਕ ਸਭਾ ਸੇਖੋਂ ਦੇ ਸਕੱਤਰ ਜਗਦੀਸ਼ ਰਾਣਾ ਨੇ ਕਿਹਾ ਕਿ ਹਰਜਿੰਦਰ ਬੱਲ ਦਾ ਚਲੇ ਜਾਣਾ ਗੀਤਕਾਰੀ ਤੇ ਸ਼ਾਇਰੀ ਦੇ ਇੱਕ ਯੁੱਗ ਦਾ ਅੰਤ ਹੋ ਗਿਆ ਹੈ। ਇਸ ਮੌਕੇ ਸੰਗੀਤਕਾਰ ਕੁਲਜੀਤ ਸਿੰਘ, ਗਾਇਕ ਗੀਤਕਾਰ ਵਿਜੈ ਧੰਮੀ, ਕੁਲਵਿੰਦਰ ਕੈਲੀ, ਸੁਰਿੰਦਰ ਲਾਡੀ, ਦਲਵਿੰਦਰ ਦਿਆਲਪੁਰੀ ਆਦਿ ਹਾਜ਼ਰ ਸਨ। -ਨਿੱਜੀ ਪੱਤਰ ਪ੍ਰੇਰਕ