ਐੱਫਆਈਐੈੱਚ ਪ੍ਰੋ ਲੀਗ: ਭਾਰਤ ਨੇ ਇੰਗਲੈਂਡ ਨੂੰ 2-0 ਨਾਲ ਹਰਾਇਆ

ਕਪਤਾਨ ਹਰਮਨਪ੍ਰੀਤ ਸਿੰਘ ਦੋ ਗੋਲਾਂ ਸਦਕਾ ਭਾਰਤ ਨੇ ਅੱਜ ਇੱਥੇ ਇੰਗਲੈਂਡ ਨੂੰ 2-0 ਨਾਲ ਹਰਾਉਂਦਿਆਂ ਐੱਫਆਈਐੈੱਚ ਪ੍ਰੋ ਲੀਗ ਦੇ ਘਰੇਲੂ ਪੜਾਅ ਦਾ ਜਿੱਤ ਨਾਲ ਅੰਤ ਕੀਤਾ। ਲੰਘੇ ਦਿਨ ਭਾਰਤ ਨੂੰ ਇੰਗਲੈਂਡ ਤੋਂ 2-3 ਨਾਲ ਹਾਰ ਮਿਲੀ ਸੀ ਹਾਲਾਂਕਿ ਕਾਲਿੰਗਾ ਸਟੇਡੀਅਮ ’ਚ ਭਾਰਤ ਨੇ ਅੱਜ ਜ਼ਬਰਦਸਤ ਵਾਪਸੀ ਕੀਤੀ ਅਤੇ ਜਿੱਤ ਨਾਲ ਸਫਰ ਖਤਮ ਕੀਤਾ। ਕਪਤਾਨ ਹਰਮਨਪ੍ਰੀਤ ਨੇ 26ਵੇਂ ਤੇ 32ਵੇਂ ਮਿੰਟ ’ਚ ਦੋ ਗੋਲ ਦਾਗੇ ਜਦਕਿ ਇੰਗਲੈਂਡ ਵੱਲੋਂ ਇਕਲੌਤਾ ਗੋਲ ਕੋਨੋਰ ਵਿਲੀਅਮਸਨ ਨੇ 30ਵੇਂ ਮਿੰਟ ’ਚ ਕੀਤਾ। ਹਰਮਨਪ੍ਰੀਤ ਨੇ ਦੋਵੇਂ ਗੋਲ ਪੈਨਲਟੀ ਕਾਰਨਰ ’ਤੇ ਕੀਤੇ। ਐੱਫਆਈਐੈੱਚ ਪ੍ਰੋ ਲੀਗ ਦੇ ਇਸ ਪੜਾਅ ’ਚ ਭਾਰਤ ਨੇ ਅੱਠ ਮੈਚ ਵਿੱਚੋਂ ਪੰਜ ’ਚ ਜਿੱਤ ਹਾਸਲ ਕੀਤ ਜਦਕਿ ਤਿੰਨ ’ਚ ਮੇਜ਼ਬਾਨ ਟੀਮ ਨੂੰ ਹਾਰ ਨਸੀਬ ਹੋਈ। -ਪੀਟੀਆਈ