ਕੁਸ਼ਤੀ ਮੁਕਾਬਲਿਆਂ ’ਚ ਮੱਲਾਂ ਮਾਰੀਆਂ

ਨਿੱਜੀ ਪੱਤਰ ਪ੍ਰੇਰਕ
ਧੂਰੀ, 25 ਅਗਸਤ
68ਵੀਆਂ ਜ਼ਿਲ੍ਹਾ ਪੱਧਰੀ ਸਕੂਲ ਖੇਡਾਂ ਦੇ ਕੁਸ਼ਤੀ ਦੇ ਜ਼ਿਲ੍ਹਾ ਪੱਧਰੀ ਮੁਕਾਬਲਿਆਂ ਵਿੱਚ ਮਾਲਵਾ ਖ਼ਾਲਸਾ ਸੀਨੀਅਰ ਸੈਕੰਡਰੀ ਸਕੂਲ ਧੂਰੀ ਦੇ ਅੰਡਰ-14 ਵਰਗ ਵਿੱਚ ਅਰਸ਼ਦੀਪ ਕੌਰ ਨੇ ਸੋਨ ਤਗ਼ਮਾ ਅਤੇ ਜਸ਼ਨਦੀਪ ਸਿੰਘ ਨੇ ਕਾਂਸੇ ਦਾ ਤਗ਼ਮਾ ਅਤੇ 17 ਸਾਲਾ ਵਰਗ ਵਿੱਚ ਕ੍ਰਿਸ਼ ਅਤੇ ਤਨੁਜ ਕੁਮਾਰ ਨੇ ਸੋਨ ਤਗ਼ਮੇ ਜਿੱਤੇ। ਇਸ ਤੋਂ ਇਲਾਵਾ ਯੋਗ ਦੇ 14 ਸਾਲਾ ਵਰਗ ਵਿੱਚੋਂ ਅਰਸ਼ਦੀਪ ਸਿੰਘ, ਕਰਨਜੋਤ ਸਿੰਘ, ਸੁਖਵਿੰਦਰ ਸਿੰਘ ਅਤੇ ਕਮਲਪ੍ਰੀਤ ਸਿੰਘ ਅੰਡਰ-17 ਵਰਗ ਵਿੱਚ ਕ੍ਰਮਵਾਰ ਹੁਸਨਪ੍ਰੀਤ ਸਿੰਘ, ਕ੍ਰਿਸ਼, ਸੰਯੋਗ ਸਿੰਘ ਅਤੇ ਹਰਜੀਤ ਸਿੰਘ ਅਤੇ ਅੰਡਰ-19 ਵਿੱਚ ਰਿਹਾਨ ਖ਼ਾਨ, ਗਗਨਪ੍ਰੀਤ ਸਿੰਘ, ਸਾਹਿਲ ਅਤੇ ਸ਼ਮੀਰ ਨੇ ਸੋਨ ਤਗ਼ਮੇ ਜਿੱਤੇ। ਫੁਟਬਾਲ ਵਿੱਚੋਂ ਨਵਜੋਤ ਸਿੰਘ ਦੂਜੇ ਸਥਾਨ ’ਤੇ ਰਿਹਾ। ਸਕੂਲ ਪ੍ਰਿੰਸੀਪਲ ਸਰਬਜੀਤ ਕੌਰ ਨੇ ਦੱਸਿਆ ਕਿ ਇਹ ਤਗ਼ਮੇ ਸਕੂਲ ਦੇ ਡੀਪੀਈ ਜਗਵਿੰਦਰ ਸਿੰਘ ਅਤੇ ਬੱਚਿਆਂ ਦੀ ਸਖ਼ਤ ਮਿਹਨਤ ਸਦਕਾ ਜਿੱਤੇ ਗਏ ਹਨ ਅਤੇ ਅੱਗੇ ਰਾਜ ਪੱਧਰ ’ਤੇ ਸਕੂਲ ਦੇ ਖਿਡਾਰੀ ਚੰਗਾ ਪ੍ਰਦਰਸ਼ਨ ਦਿਖਾਉਣਗੇ। ਉਨ੍ਹਾਂ ਕਿਹਾ ਕਿ ਪੰਜਾਬ ਪੱਧਰੀ ਖੇਡਾਂ ’ਚ ਸੋਨ ਤਗ਼ਮੇ ਦੀ ਪੂਰੀ ਆਸ ਹੈ। ਇਸ ਮੌਕੇ ਨਿਰਭੈ ਸਿੰਘ ਜਹਾਂਗੀਰ, ਹਰਪ੍ਰੀਤ ਸਿੰਘ ਭੁੱਲਰ, ਮਨਜੀਤ ਸਿੰਘ, ਗੁਰਦੀਪ ਸਿੰਘ ਖਹਿਰਾ, ਹਰਪ੍ਰੀਤ ਸਿੰਘ, ਜਗਵਿੰਦਰ ਸਿੰਘ ਰੁਪਾਹੇੜੀ, ਨਵਜੋਤ ਸਿੰਘ ਹਰਚੰਦਪੁਰ, ਅਮਨਦੀਪ ਸਿੰਘ, ਰੁਪਿੰਦਰ ਸਿੰਘ, ਨਵਦੀਪ, ਮਨਦੀਪ ਕੌਰ, ਮਨਪ੍ਰੀਤ ਰਾਣੀ ਅਤੇ ਰਮਨਦੀਪ ਕੌਰ ਹਾਜ਼ਰ ਸਨ।