ਪਿਓ-ਪੁੱਤ ਨੂੰ ਸੱਪ ਨੂੰ ਡੰਗਿਆ, ਪਿਤਾ ਦੀ ਮੌਤ

ਪੱਤਰ ਪ੍ਰੇਰਕ
ਜਲੰਧਰ, 19 ਅਗਸਤ
ਇੱਥੇ ਪਿਓ-ਪੁੱਤ ਨੂੰ ਸੱਪ ਵੱਲੋਂ ਡੰਗਣ ਕਾਰਨ ਪਿਤਾ ਦੀ ਸਿਵਲ ਹਸਪਤਾਲ ’ਚ ਮੌਤ ਹੋ ਗਈ ਤੇ ਪ੍ਰਾਈਵੇਟ ਹਸਪਤਾਲ ਵਿੱਚ ਦਾਖ਼ਲ ਪੁੱਤਰ ਦੀ ਹਾਲਤ ਗੰਭੀਰ ਹੈ। ਪਰਿਵਾਰਕ ਮੈਂਬਰਾਂ ਨੇ ਦੱਸਿਆ ਕਿ 15 ਅਗਸਤ ਨੂੰ ਰਾਮ ਪ੍ਰਰੀਤ ਸ਼ਾਹ ਤੇ ਉਸ ਦਾ ਪੁੱਤਰ ਬਿੱਟੂ ਛੱਤ ’ਤੇ ਸੌਂ ਰਿਹਾ ਸੀ। ਸਵੇਰੇ ਕਰੀਬ ਚਾਰ ਵਜੇ ਸੱਪ ਨੇ ਉਨ੍ਹਾਂ ਡੰਗ ਲਿਆ। ਇਸ ਮਗਰੋਂ ਉਨ੍ਹਾਂ ਨੇ ਰਾਮ ਪ੍ਰਰੀਤ ਸ਼ਾਹ ਨੂੰ ਸਿਵਲ ਹਸਪਤਾਲ ਤੇ ਪੁੱਤਰ ਨੂੰ ਪ੍ਰਾਈਵੇਟ ਹਸਪਤਾਲ ’ਚ ਦਾਖਲ ਕਰਵਾਇਆ ਗਿਆ। ਉਨ੍ਹਾਂ ਦੱਸਿਆ ਕਿ ਕੱਲ੍ਹ ਦੇਰ ਰਾਤ ਰਾਮ ਪ੍ਰਰੀਤ ਸ਼ਾਹ ਦੀ ਮੌਤ ਹੋ ਗਈ। ਪਰਿਵਾਰ ਅਨੁਸਾਰ ਦੋਵੇਂ ਪਿਓ-ਪੁੱਤ ਫੁਟਬਾਲ ਸਿਉਂਣ ਦਾ ਕੰਮ ਕਰਦੇ ਸਨ। ਕੁਝ ਦਿਨ ਪਹਿਲਾਂ ਹੀ ਕਰਜ਼ਾ ਲੈ ਕੇ ਲੜਕੀ ਦਾ ਵਿਆਹ ਕੀਤਾ ਸੀ। ਉਨ੍ਹਾਂ ਦੇ ਘਰ ਪਿੱਛੇ ਖਾਲੀ ਪਲਾਟ ਕਾਰਨ ਇਹ ਘਟਨਾ ਵਾਪਰੀ ਹੈ।