ਨਹਿਰ ਬੰਦੀ ਕਾਰਨ ਕਿਸਾਨ ਪ੍ਰੇਸ਼ਾਨ

ਪੱਤਰ ਪ੍ਰੇਰਕ

ਸ਼ਹਿਣਾ, 8 ਜੂਨ

ਕਸਬੇ ‘ਚੋਂ ਲੰਘਦੀ ਬਠਿੰਡਾ ਨਹਿਰ ਵਿੱਚ ਪਿਛਲੇ ਇੱਕ ਹਫ਼ਤੇ ਤੋਂ ਪਾਣੀ ਦੀ ਬੰਦੀ ਕਾਰਨ ਕਿਸਾਨ ਪ੍ਰੇਸ਼ਾਨ ਹਨ। ਸ਼ਹਿਣਾ ਵਿੱਚੋਂ ਦੀ ਲੰਘਦਾ ਰਜਵਾਹਾ ਵੀ ਸੁੱਕਾ ਪਿਆ ਹੈ। ਪਿੰਡ ਬੱਲੋਕੇ ਸਮੇਤ ਕਾਫੀ ਇਲਾਕੇ ਦੇ ਲੋਕ ਇਸ ਨਹਿਰ ਦਾ ਪਾਣੀ ਪੀਣ ਲਈ ਵਰਤਦੇ ਹਨ, ਪਰ ਹੁਣ ਨਹਿਰ ਬੰਦ ਹੋਣ ਕਾਰਨ ਪ੍ਰੇਸ਼ਾਨੀ ਖੜ੍ਹੀ ਹੋ ਗਈ ਹੈ। ਕਿਸਾਨ ਗੁਰਪ੍ਰੀਤ ਸਿੰਘ, ਜਰਨੈਲ ਸਿੰਘ, ਸੁਰਜੀਤ ਸਿੰਘ, ਗੁਰਵਿੰਦਰ ਸਿੰਘ ਨੇ ਮੰਗ ਕੀਤੀ ਕਿ ਝੋਨੇ ਦੀ ਸ਼ੀਜਨ ਨੂੰ ਦੇਖਦੇ ਹੋਏ ਨਹਿਰੀ ਬੰਦੀ ਖ਼ਤਮ ਕਰਕੇ ਨਹਿਰ ‘ਚ ਪਾਣੀ ਛੱਡਿਆ ਜਾਵੇ।