ਕਿਸਾਨ ਆਗੂਆਂ ਨੇ ਮਨਪ੍ਰੀਤ ਨੂੰ ਸਵਾਲ ਪੁੱਛੇ

ਜਸਵੀਰ ਸਿੰਘ ਬਰਾੜ
ਦੋਦਾ, 11 ਨਵੰਬਰ
ਗਿੱਦੜਬਹਾ ਹਲਕੇ ਦੇ ਪਿੰਡ ਧੂਲਕੋਟ ਵਿੱਚ ਅੱਜ ਜ਼ਿਮਨੀ ਚੋਣ ਲਈ ਪ੍ਰਚਾਰ ਲਈ ਆਏ ਭਾਜਪਾ ਉਮੀਦਵਾਰ ਮਨਪ੍ਰੀਤ ਸਿੰਘ ਬਾਦਲ ਨੂੰ ਭਾਰਤੀ ਕਿਸਾਨ ਯੂਨੀਅਨ ਉਗਰਾਹਾਂ ਦੇ ਆਗੂਆਂ ਘੇਰ ਲਿਆ। ਕਿਸਾਨ ਆਗੂ ਬਿੱਟੂ ਮੱਲਣ ਅਤੇ ਸਾਥੀਆਂ ਵੱਲੋਂ ਉਨ੍ਹਾਂ ਤੋਂ ਭਾਜਪਾ ਦੀ ਕੇਂਦਰ ਸਰਕਾਰ ਵੱਲੋਂ ਕਿਸਾਨਾਂ ਨਾਲ ਕੀਤੇ ਜਾ ਰਹੇ ਵਤੀਰੇ ਬਾਰੇ ਸਵਾਲ ਪੁੱਛਣ ਦੀ ਕੋਸ਼ਿਸ਼ ਕੀਤੀ ਗਈ ਤਾਂ ਉਨ੍ਹਾਂ ਕਿਸਾਨਾਂ ਅੱਗੇ ਚੁਣਾਵੀ ਲਾਰਿਆਂ ਦੀ ਪੰਡ ਖੋਲ੍ਹ ਦਿੱਤੀ ਕਿ ਉਹ ਕੇਂਦਰ ਤੋਂ ਛੋਟੇ ਕਿਸਾਨਾਂ ਲਈ ਸੋਲਰ ਮੋਟਰਾਂ, ਹਲਕੇ ਦੇ ਸਾਰੇ ਖਾਲ ਪੱਕੇ ਅਤੇ ਆਰਥਿਕ ਪੱਖੋਂ ਕਮਜ਼ੋਰ ਹਰ ਵਿਅਕਤੀ ਨੂੰ ਪੱਕਾ ਮਕਾਨ ਬਣਾ ਕੇ ਦੇਣਗੇ, ਜਦੋਂ ਕਿਸਾਨਾਂ ਨੇ ਉਨ੍ਹਾਂ ਨੂੰ ਵਿਚਾਲੇ ਰੋਕ ਕੇ ਕਿਸਾਨੀ ਸੰਘਰਸ਼ ਦੌਰਾਨ ਕੇਂਦਰ ਅਤੇ ਹਰਿਆਣਾ ਭਾਜਪਾ ਦੇ ਵਤੀਰੇ ਲਖੀਮਪੁਰ ਖੀਰੀ ਘਟਨਾ ਦੀ ਗੱਲ ਕਰਨੀ ਚਾਹੀ ਅਤੇ ਕਿਸਾਨ ਸ਼ੁੱਭਕਰਨ ਦੇ ਕਤਲ ਬਾਰੇ ਸਵਾਲ ਖੜ੍ਹੇ ਕੀਤੇ ਤਾਂ ਉਨ੍ਹਾਂ ਹੱਥ ਜੋੜ ਬਿਨਾਂ ਕੋਈ ਤਸੱਲੀਬਖਸ਼ ਜਵਾਬ ਦਿੱਤੇ ਗੱਡੀ ਵਿੱਚ ਬੈਠ ਚਲੇ ਗਏ।